Recent Posts

Pages: 1 ... 3 4 [5] 6 7 ... 10
41
கவிதைகள் / சின்னக்கலைவாணர்
« Last post by AgNi on April 17, 2021, 11:59:24 AM »


இயற்கையை நேசித்த சின்னக்கலைவாணரே!
நீ பூமியை வளமாக்க
ஆர்வமாய் வலம் வந்தாய்
வான்உலகோ உன் மீதுள்ள
வாஞ்சையால் அழைத்துகொண்டதோ!

கலாமின் விசிறியாகி...அவர்
கருத்துக்களை கூறி
கருத்து கந்தசாமி ஆகினாய்..
எல்லாம் தெரிந்த ஏகாம்பரமாய்
எங்களை தெளிய‌வைத்து..
இன்று அழ வைத்துவிட்டாய்..

நீ மரங்கள் நடவில்லை..
மண் அறம் காத்தாய்!
நீ நகைச்சுவை செய்யவில்லை..
நாங்கள்  வாழ்வை சிந்திக்க
சுவை சேர்த்தாய்...
லட்சம் மரங்களுக்கு நீர் வார்த்தவரே..
போய்வாரும் ..மீண்டும்..
கோடி மரங்கள் நட வேண்டுமே!


42

ஐந்தாண்டுக்கு   ஒரு முறைதான் தேர்தலே வருகிறது
நமக்குள் ஐந்தாண்டுகளில்   எத்தனை  சண்டைகள் '
மிட்டாய்க்கு  சண்டைபோடும் சிறுபிள்ளைகள் போல்
தொட்டதற்கும்  பட்டதற்கும்   அடித்துக்கொண்டு....
மீட்டுப் பார்க்கையில்   ....
மனக் குமுறல்களும்  வேதனைகளும்தான் மிச்சம்

அன்பு வைத்தால்  அது பாவம் .....வரம்பு மீறின்
ஆர்ப்பரிக்கும்   கடல் அலையாய் மாறிவிடும்
உணர்வுககளை   கடந்து    உரிமை  கொண்டால்
ஊழிக்  காற்றும்  சுழன்றடிக்க தொடங்கிவிடும்
எதிர்பார்ப்புகள்  ஏமாற்றங்களை சந்திக்கையில்
கண்ணீர்  கட்டுக்கடங்காமல்  பெருக்கெடுக்கும்
பூவுக்குள்ளும்    பூகம்பம்  வெடிக்கும் 
உணர்வுகளின்   காயங்ளில்  ரத்தம் பெருக்கெடுக்கும் 

நாக்கிலே  நரம்பை  வைக்கத்  தவறிவிட்டான்  அவன்
வைத்திருந்தால்    ரோசம்  அதில் குடி கொண்டிருக்கும்
என்றோ நானும் உன்னை பிரிந்திருப்பேன்
நம் சண்டைகளுக்கும்   முற்றுப்புள்ளி  கிடைத்திருக்கும்
இந்த இரண்டும்கெட்ட நிலையும்  முடிந்திருக்கும்

உன்மேல் வந்துவிளும்   ஒவொரு அம்பும்
என்   இதயத்தின்    ஆழத்தில்   பதிந்திருக்கும்
காதல்  ரணத்தின்   ரத்த துளிகள் 
என்னை நானே  நொந்துகொள்கிறேன்
 உன்னை   திட்டியபின்   
எத்தனை  இரவுகள்   உனையே நினைத்து
உறங்காமல்    தவித்திருப்பேன்   
வேதனையின்    வலியில்   துடித்திருப்பேன்   
எனக்கு   மட்டும்தான்  தெரியும்  அது

மழையிலும்  வெயிலிலும்  காலமெல்லாம்
காத்து நிற்கும்  வெருளி   உழவன் கண்னுக்கு தெரிவதில்லை
இரவு முழுதும்   மின்விளக்கின்  ஒளியில் மயங்கி 
நாட்டியம் ஆடி மகிழும் விட்டில்களுக்கு
விடிந்ததும்  மரணம் என்பதும்  தெரிவதில்லை
இயற்கையின்   வேடிக்கைதான்  என்னே !   

இதயம் என்று ஒன்று இல்லாதிருந்திந்தால்   
உன் நினைவுகளை   சேகரித்திருக்கமாட்டேன்
நினைவுகள்     இல்லாது   இருந்திருந்தால் 
கனவுகளில்  உன்னுடன்  கைகோர்த்திருக்கமாட்டேன் 
காலங்களால் கலைந்துபோன  என் கனவுகள்
கானல்நீராகவே   போகட்டும். 
காதல்  எனும்  போதையில்   வீழ்ந்ததும்   போதும்
மீள்தல்  இல்லா   வாழ்க்கை   வாழ்ந்ததும்   போதும் 
விட்டுவிடு   ஏன் உயிரே ! !  விட்டுவிடு  !!  நான்  போகிறேன்!!! 

43
களைத்த
பொழுதுகளை
இரக்கமின்றி
சபித்துக்கொண்டே
பிடுங்கி கொண்டிருக்கிறேன்
உன் நினைவுகளை ..
வேரோடு ஊன்றி இருந்தால்
வந்துவிடும் ..
உயிரோடு ஒன்றி
பிரிய மறுக்கிறது ..

சில்லென்ற குளிரிளில்
திடீரென கொட்டும்
இந்த மழைத் துளிகளில்
கரைந்துவிட கூடுமோ ..
என்புவரை துளைத்த போதும்
எள்ளளவும் அது கரையவில்லை ..

வார்த்தைகளில்
பிரியத்தை தேடி
களைத்துக் கிடக்கிறது மனது ..
தேர்வு செய்து பேசுவதற்கு
இது பரீட்சை அல்ல
வாழ்க்கை
வாழ்ந்து பேசுகிறேன்
நீயோ
( எரிந்து  ) வீழ்ந்து பேசுகிறாய் ..

நானில்லாத இடைவெளியை
யாராவது
நிரப்பி விட்டார்களா
சொல்லு
நானாக சென்று விடுகிறேன்
நாளைப் பொழுதில்
என்னை நகர்த்தும் வேலை கூட
உனக்கு வேண்டாமே ..

என்னென்னவோ பேசவேண்டும்
என்பதாய் இருக்கிறது மனது
இப்படிதான் பேசவேண்டும்
என்கிறதாய் இருக்கிறது
உன் நகர்வு ..

தேடுகிறேன்
என்னை தொலைத்த
இதயத்தை ..
அது
காணாமல் போய்
ஒரு சில நாட்கள்
கடந்தது தெரியாமல் ...

வாழ்க்கையோடு
போராட வலுவிருக்கிறது
உன் வார்த்தைகளோடு
போராட ...
எங்கிருந்து பெயர்க்கிறாய்
என்மீது வீச ?
கல் நெஞ்சென்று
பெயர் போன என் நெஞ்சே
பிளந்து கிடக்கிறதே ...

குருதித் கலன்களின்
ஒவ்வொரு துகளுக்குள்ளும்
துல்லியமாய் உட்புகுந்து
போதையூட்டும்
உன்  நினைவுச் சிற்பங்கள்
கண்களில் மின்னுகின்றது
கண்ணீர் துளிகளென ...

ஒற்றையாய் பறக்கும்
ஓர் வண்ண பறவையும்
தண்ணிலவாய் காயும்
வெண் நிலவின் மென் ஒளியும்
என் நினைவில் உன்  உருவை
செதுக்கி உறைகிறது பனியென ..

கலந்து பிரிந்த
கைகளின் விரல் இடுக்கில்
பிரியாத பிரியங்களின் ரேகைகள்
நம் காதலின் ஆயுளை
கூட்டி குளிர்விக்காதோ ?

இணை பிரிந்த அன்றில் என
உனைப் பிரிந்த நான்
ஒற்றையாய் உலவுகிறேன்
இலை உதிர்த்த
மரத்தின் கிளைகள் எல்லாம்
பசுமைக்கு ஏங்குவது போல்
உன்னை எண்ணி
அனைத்தும் இழந்து தவிக்கும்
என் இருதயம்
உன் நினைவு சுமந்து வாழ்கிறது
நடைப்பிணமென .

அழகே
நீ எறிந்த வார்த்தைகளின் வலியில்
இன்னும்
உன் இருதயத்தின் ஈரத்தை
தேடிக் கனக்கிறது மனது ..
44
"wish You Happy Birthday Dito Bro.. , stay blessed and stay always be happy..
46
HAPPY BIRTH DAY DITO BRO. GOD BLESS YOU
49

கடவுள் எப்போதும் உங்களுக்கு நல்ல ஆரோக்கியத்தையும் மன அமைதியையும் அளிப்பார். பிறந்தநாள் வாழ்த்துக்கள்

50
MANY MORE RETURN OF THE DAY HAPPY BIRTH DAY EN INIYA NANBAN  DITO

Pages: 1 ... 3 4 [5] 6 7 ... 10