போர்ச்சுகீசிய சிக்கன்
போர்ச்சுகீசியர்களின் உணவில் காரத்துக்கு மிளகையே அதிகம் பயன்படுத்துகின்றனர். அதேபோல உணவில் தக்காளிக்கு முக்கியத்துவம் அதிகம். போர்ச்சுகீசிய சிக்கன் செய்யும் முறையை கற்றுத் தருகிறார், மதுரை பார்சூன் பாண்டியன் ஓட்டல் தலைமை சமையல் நிபுணர் கேசவகுமார்.
தேவையானவை:
* எலும்புடன் கூடிய சிக்கன் – கால்கிலோ
* பெங்களூரு தக்காளி – கால் கிலோ
* வெங்காயம் – 50 கிராம்
* பூண்டு – 20 கிராம்
* காளான் – 60 கிராம்
* ஆலிவ்
* எண்ணெய் – 2 டீஸ்பூன்
* கறுப்பு
* மிளகுப்பொடி – 10 கிராம்
* உப்பு – தேவையான அளவு
செய்முறை :
* தக்காளியை லேசாக கீறி சுடுநீரில் ஐந்து நிமிடங்கள் அமிழ்த்த வேண்டும். தோல் மற்றும் விதையை நீக்கி விட்டு, தக்காளியை பொடியாக நறுக்கினால் “சாஸ்’ போல கிடைக்கும்.
* வாணலியில் ஆலிவ் எண்ணெய் ஊற்றி, வெள்ளைப்பூண்டு, வெங்காயம், காளானை சேர்த்து வதக்க வேண்டும்.
* அதன்பின், சிக்கனை சேர்த்து நன்கு வதக்க வேண்டும்.
* சிக்கன் வதக்கும் போதே பாதி வெந்து விடும், அதன்பின் தக்காளி சாஸ் சேர்த்து வதக்கி, சிறிதளவு தண்ணீர் ஊற்றி கடைசியாக மிளகு, உப்பு சேர்த்து இறக்க வேண்டும்.
* கடைசியாக மல்லிதழை தூவி அலங்கரிக்க வேண்டும்.
* துருக்கி அரிசி கடையில் கிடைக்கும்.
* துருக்கி அரிசி சாதத்துக்கு பிசைந்து சாப்பிட சுவையாக இருக்கும்.
சமையல் நேரம் : 20 நிமிடங்கள்.