சிவகாசி...
சின்ன அச்சகத்தில் கூட
அழகான பொய்களின்
அடுக்குவரிசை.
திருநெல்வேலி...
ஆயிரம் "டன்" அல்வா அவசரம்
எல்லா கட்சிகளும்
'இ-மெயில்'
சிங்கார சென்னை
இன்று,
அலங்காநல்லூர்.
இடவேட்டையில்
எள்ளும், எலிப்புழுக்கைகளும்
வண்ண சேலைகளும்,
வளையல் தினுசுகளும்,
ஆண்களின் அளவுக்கு
இறக்குமதி.
பிணம் தின்னும் கழுகுகளுக்கு
நவீன அறுவை சிகிச்சை.
வெண்புறாவாக
வீதி உலா...
ஓநாய்களின்
உதட்டில் தத்துவ வாசம்.
கண்களில்
தேர்தல் வெறி.
ஆடு நனைகிறது...
என
ஆதங்க பிரச்சாரம்!
காது குத்துவிழாவிற்கு
உன்
காதை துடைத்துக்கொள்...
கடைசியில்,
அதுதானே கட்டாயம்!!