Recent Posts

Pages: 1 [2] 3 4 ... 10
16
கோடி உயிரணுக்களை
முந்தி நீந்தியதில்
பிறப்பின் பின்னரும் நிருபித்தே
கடக்க வேண்டியிருக்கிறது இருப்பை

நேசத்தில், ஆதரவில்,,
பணிவில், உறவில்,
நட்பில்,காதலில், பணியில்,
பொறுப்புகளில்,வாழ்தலில்
என அத்தனையிலும்
இருப்பின் தாக்கத்தை எதிர்ப்பார்த்தே
நகர்கிறது வாழ்க்கை

சிறு தாக்கத்தையேனும் நிகழ்த்திடாத
எதுவும் பொருட்டாகிடுவதேயில்லை

தாக்கங்கள் உணர்த்திடாத
கணங்களின் தொகுப்பை எப்போதைக்குமாய்
ஒரு பதற்றம் பற்றிக் கொள்கிறது

கனமேறிய அக்கணங்களை
ஒரு நேசத்தின் அரவணைப்பு இலகுவாக்கலாம்
குறைந்தபட்சமாய்
இருப்புணர்த்திப் போகும் ஒரு கவிதை
இலகுவாக்கலாம்

தாக்கங்கள் செய்திடா கவிதைகளும்
கிறுக்கல்களின் வனங்களிலே கைவிடப்படுகின்றன
அப்படியே தான் நேசமும்..

இருப்புணர்த்தும் ஏதோ ஒன்றிற்காகவே
உயிர் நிகழ்த்துகிறது
அத்தனை பிரயத்தனங்களை..

இன்னும் சொல்லவியலாத
ஏதோ ஒன்றின் பிடரியில் பற்றிப் படரும்
எதிர்ப்பார்ப்புகளின் துளிர்களுக்கு
பலநேரங்களில் ஆறுதலின் நிறம்......
17



அன்பான நண்பர்களே ,, FTC FM தனது பயனர்களின் இசை ஆர்வம் மற்றும் ரசனைகளை பகிர்ந்து கொள்ளும் விதமாக "உங்கள் சாய்ஸ் " என்ற நிகழ்ச்சியை ஏற்பாடு செய்து இருக்கிறது.

பயனர்கள் [email protected] என்ற மின்னஞ்சல் முகவரிக்கு தங்களுக்கு பிடித்த 15 பாடல்களை பட்டியல் இட்டு அனுப்பலாம். பயனர்களால் தேர்தெடுக்கப்பட்ட பாடல்கள் FTC FM இல் ஒளிபரப்பு செய்யப்படும்.

தினமும் ஒளிபரப்பு நேரம் : ஐரோப்பிய நேரம் 4:30 PM (இந்திய நேரம்-09:00 PM)

"நீங்கள் கேட்ட பாடல்கள் " பகுதியில் “YES” என்று பதிவிடுவதன் மூலம் முன்பதிவு செய்துகொள்ளும்படி கேட்டுக்கொள்கிறோம். ‘முதலில் பதிவு இட்ட நபர்களுக்கு முன்னுரிமை என்ற அடிப்படையில்’ அவர்களுடைய பாடல்கள் முதலில் ஒளிபரப்பப்படும் .

01-மார்ச்   -2021 (திங்கள் கிழமை )அன்று  ஐரோப்பிய நேரம் 5:00 PM மணியளவில் (இந்திய நேரம் 09:30 PM) முன்பதிவு இடும் வகையில்  "உங்கள் சாய்ஸ் " பகுதி திறக்கப்படும்.

முதலில் முன்பதிவு செய்யும் பாவனையாளரின் பாடல் தொகுப்பு 02-மார்ச்  -2021  அன்று ஐரோப்பிய நேரம் 04:30 PM(இந்திய நேரம் 09:00 PM) இக்கு ஒளிபரப்பப்படும்,

முன்பதிவு செய்யப்பட்ட பதிவுகளின் முன்னுரிமை அடிப்படையில்  தொடர்ந்து அடுத்தடுத்த நாட்களில் மற்ற பயனாளர்களின் பாடல் தொகுப்பு ஒளிபரப்பப்படும்.


முதன் முறையாக உங்கள் சாய்ஸ் நிகழ்ச்சியில் பங்கு பெறுபவர்களுக்கு  நிகழ்ச்சி ஒளிபரப்பில் முன்னுரிமை அளிக்கப்படும்.

முன்பதிவு செய்தபின் பயனாளர்கள் தங்களுக்கு பிடித்த 15 பாடல்களின் பட்டியலை   [email protected] என்ற மின்னஞ்சல் முகவரிக்கு அனுப்பும்படி கேட்டுக்கொள்கிறோம்.
18
GENERAL / Re: Good Morning
« Last post by Ayisha on March 01, 2021, 07:47:22 AM »
19
என் உயிரான இசை

கனவிலும் நனவிலும்
கனிவாய் என்னோடு
ஏழிசை முத்துக்களாய்
என் நெஞ்சம் நிறைபவள் நீ

கண்களை ஓய்வெடுக்கச் சொல்லி
நினைக்க நினைக்க நெஞ்சினிக்க செய்து 
கேட்க கேட்க திகட்டாதவளாய்
செவிகளுக்கு விருந்தளிப்பவள்  நீ

சோர்வை நீக்கி மனச்சுமை குறைத்து
நொடிகளில் நெஞ்சில் உற்சாகமூட்டி
கண்களை மூடி செவிகளை திறந்தால் 
இதயம் நுழைந்து  இருட்டடிப்பு செய்பவள்  நீ

என்  மூச்சுகுழலின் இனிய நாதம் நீ
எனது  இதயத்துடிப்பின் ஆதிதாளம்  நீ
குருதியில் கலந்திருக்கும் உயிர்ச்சத்து  நீ
என்  நரம்பில் பாய்ந்தோடும்  மின்சாரம்  நீ

அருவியின் ஆரவார  வீழ்தலில் நீ 
காற்றின்  மெல்லிய  வருடலிலும் நீ 
அகண்ட பள்ளத்தாக்கின் அமைதலில் நீ
முடிவில்லா இவ்வுலக உயிர்ப்பில் நீ

ஐம்புலன்களில்  செவியே சிறப்பென்னும்
சித்தம் கொண்ட பித்தனாய் 
கண்கள் போகும் நிலையானாலும்
செவிகள் வேண்டி நிற்கும்  குருடன் நான்

உன்னால் நான் வாழ்கிறேனா?
என்னால் நீ வாழ்கிறாயா?
கேள்வியின்  விடை எதுவாயினும்
இசையாய் இசைவாய் இருப்போர் நாமே !!!

20
நான் உன்னை அதிகம் நேசிக்கிறேன்
நான் உன்னை உருவாக்க விரும்புகிறேன்
என்னுயிரில் கலந்திட்ட இசையே...இசை மழையே...
ஒவ்வொரு நிமிடமும் உன்னையே...
ரசிக்க விரும்புகிறது என் இதயம்...

எனது அனைத்தையும்...
நான் உனக்கே பரிசளித்து விட்டேன்
என்னை தினமும் மகிழ்ச்சி கடலின் ஆழத்தில்
கொண்டு செல்லும் இசையே...


ஆயிரம் இசைக்கருவி ஒலி செய்து ஓய்ந்தாலும்...
என்னுடலில் ஊடுருவி...
என் இரத்த நரம்புகளில் நுழைந்து...பாய்ந்தோடும்
இசைகளுக்கு என்றுமே முடிவில்லையே...


என் இதயத்தில் ஒட்டிக் கொண்டு...
என்னையே சிறகடித்துப் பறக்க வைக்கும்...
இசையே...இசைக்கருவிகளே...
நீ எனக்கு மட்டும் தான் சொந்தம் என்று
சொல்ல முடியாத அளவிற்கு
உலக மக்களிடையே இடம் பிடித்து
இந்த உலகத்தையே அசர வைக்குற
இன்னிசையே...
இதய தசையின் இசையே...


உன்னால் மகிழ்ச்சியும் ஒளியும் பெற்று
என்னையும் பிரகாசிக்க வைக்கும்
இசையே...இசையமுதே...
மனித மன வளர்ச்சிக்கு கை கொடுக்கும் நீ ...
மருத்துவனும்...இசைப் புலவனும்...
உன் இன்னிசையின் தன்மையை உணர்ந்திட்டதால்...
மனநோய்கள் பிடித்த நோயாளிகளையும்...பைத்தியங்களையும்...
குணப்படுத்துகிற  இசை மருந்தே நீதானே...
நீ பிரம்மாண்டமான வண்ண ஓவியமாக விரிகின்றாயே...


என் மூளையின் உள்ளுறையின் தலமாஸில் தாக்கும் இசையே...
என் மனதை தொடும் மெலடி இசையே...
இசை கருவியை வாசித்து...அதை கேட்கும் போது
ஒருமுனைப்படும் என் மனம்...
இன்று இசை உலகத்தை ஆளும் உன்னை
என் கவிதை வரிகளால் கொட்டி அலங்கரித்து
இசையால் இசை மீட்டுகின்றேன்
இசைவிரும்பி JERUSHA JSB
Pages: 1 [2] 3 4 ... 10