Author Topic: 2015 ஆங்கில புத்தாண்டு ராசி பலன்கள்  (Read 1235 times)

Offline Maran

  • Classic Member
  • *
  • Posts: 4255
  • Total likes: 1220
  • Karma: +0/-0
  • Gender: Male
  • I am a daydreamer and a nightthinker
    • Facebook

2015 ஆங்கில புத்தாண்டு ராசி பலன்கள்


2015 ஆம் ஆண்டிற்கான ஆங்கில புத்தாண்டு ராசி பலன்களை தொகுத்து வழங்கியுள்ளார்,

ஜோதிட ரத்னா க.ப.வித்யாதரன்.



வியாழக்கிழமை வளர்பிறை ஏகாதசி திதி பரணி நட்சத்திரம் மேஷ ராசி கன்னி லக்னத்தில் சித்தி நாம யோகம், பத்தரை நாமகரணத்தில், நவாம்சத்தில் ரிஷப லக்னத்தில், நேத்திரம், ஜீவனம் நிறைந்த சித்தயோகத்தில் நள்ளிரவு 12 மணிக்கு 01.01.2015ம் ஆண்டு பிறக்கிறது.



Offline Maran

  • Classic Member
  • *
  • Posts: 4255
  • Total likes: 1220
  • Karma: +0/-0
  • Gender: Male
  • I am a daydreamer and a nightthinker
    • Facebook

மேஷம் - 2015 ஆங்கில புத்தாண்டு பலன்கள்


அதிர்ஷ்டத்தை அதிகம் நம்பாதவர்களே! உங்கள் தனாதிபதி சுக்ரன் வலுவாக நிற்பதால் எல்லாவகையிலும் உங்களுக்கு மகிழ்ச்சி உண்டாகும். கணவன்-மனைவிக்குள் நெருக்கம் அதிகரிக்கும். வீடு கட்டுவதற்கு ப்ளான் அப்ரூவலாகி வரும். வங்கிக் கடன் உதவியும் கிடைக்கும். அரசால் அனுகூலம் உண்டு. பழுதாகிக் கிடந்த வாகனத்தை தந்து புது வண்டி வாங்குவீர்கள். உங்களுடைய ராசிக்கு சாதகமாக புதன் நிற்பதால் நட்பு வட்டம் விரிவடையும். புதியவர்கள் நண்பர்களாவார்கள். பிரபலங்களின் அறிமுகம் கிடைக்கும். பழைய கடனை பைசல் செய்வதற்கான வழி, வகைப் பிறக்கும். உங்கள் ராசிக்கு 6-ம் வீட்டில் ராகு நிற்பதால் சில ராஜ தந்திரங்களைக் கற்றுக் கொள்வீர்கள்.
 
ஷேர் மூலமாகவும் பணம் வரும். எதிர்ப்புகள் அடங்கும். வழக்குகள் சாதகமாகும். வேற்றுமொழி, வேற்றுமதத்தை சார்ந்தவர்கள் பக்கபலமாக இருப்பார்கள். வெளிநாடு செல்ல விசா கிடைக்கும். சிலருக்கு அயல்நாட்டில் வேலைக் கிடைக்கும். 12-வது வீட்டில் கேது நிற்பதால் புகழ் பெற்ற புண்ணிய ஸ்தலங்களுக்குச் சென்று வருவீர்கள். குலதெய்வக் கோவிலை புதுப்பிக்க உதவுவீர்கள். உங்கள் ராசிநாதன் செவ்வாய் உச்சம் பெற்று வலுவாக அமர்ந்திருக்கும் நேரத்தில் இந்தப் புத்தாண்டு பிறப்பதால் தைரியம் கூடும். குழப்பங்கள் நீங்கும். தன்னிச்சையாக சில முக்கிய முடிவுகள் எடுப்பீர்கள். மாறுபட்ட அணுகுமுறை மூலமாக பழைய சிக்கல்களுக்கு தீர்வு காண்பீர்கள்.
 
 உங்களைச் சுற்றியிருப்பவர்களின் சுயரூபத்தை உணருவீர்கள். தன் கையே தனக்குதவி என்பதையும் அறிவீர்கள். உதவி செய்து உபத்திரவத்தில் சிக்கிக் கொள்வதை நினைத்து அவ்வப்போது பெருமூச்சு விடுவீர்கள். சகோதரங்களுடன் இருந்து வந்த மனக்கசப்புகள் நீங்கும். வீடு, மனை விற்பது, வாங்குவதில் இருந்து வந்த தேக்க நிலை, மந்த நிலை மாறும். நீங்கள் எதிர்பார்த்த விலைக்கு வீடு விற்கும். அதேப் போல உங்கள் ரசனைக் கேற்ப வீடு, மனை அமையும்.
 
உங்களின் பாக்யாதிபதியான குருபகவான் ஜீன் மாதம் வரை 4-ம் வீட்டில் அமர்ந்திருப்பதால் அலைச்சல் இருக்கும். செலவினங்களும் அதிகமாகும். சிறுசிறு வாகன விபத்துகளும் வரக்கூடும். தாயாரின் உடல் நிலை பாதிக்கும். தாய்வழி உறவினர்களுடன் கருத்துவேறுபாடுகள் வந்துப் போகும். முன்கோபத்தை தவிர்க்கப்பாருங்கள். கோபத்தால் நல்லவர்களின் நட்பை இழக்க நேரிடும். பிள்ளைகளால் அலைச்சல் உண்டாகும். அவர்களின் படிப்பு, ஆரோக்யத்தில் அதிருப்தியான சூழ்நிலை உருவாகும். ஆனால் ஜீலை மாதம் முதல் குருபகவான் உங்கள் ராசிக்கு 5-ம் வீட்டில் வந்தமர்வதால் அதுமுதல் மனநிம்மதி உண்டாகும். அடிப்படை வசதி, வாய்ப்புகள் உயரும். குழப்பிக் கொண்டிருந்த நீங்கள், இனி தெளிவடைவீர்கள்.
 
நேர்மறை எண்ணங்கள் அதிகரிக்கும். குழந்தை பாக்யம் கிடைக்கும். கையை விட்டுப் போன, ஏமாந்த தொகையும் கைக்கு வந்து சேரும். அரசு காரியங்களும் நல்ல விதத்தில் முடிவடையும். பிள்ளைகளின் உயர்கல்வி, உத்யோகம், திருமணம் சம்பந்தப்பட்ட முயற்சிகள் பலிதமாகும். சமூகத்தில் பெரிய அந்தஸ்தில் இருப்பவர்களின் நட்பு கிடைக்கும். எங்குச் சென்றாலும் முதல் மரியாதைக் கிடைக்கும். சொந்த ஊரில் இழந்த செல்வாக்கை மீண்டும் பெறுவீர்கள். திருமணம், சீமந்தம், கிரகப் பிரவேசம் போன்ற சுப நிகழ்ச்சிகளால் வீடு களைக்கட்டும். கண்டும், காணாமல் சென்றுக் கொண்டிருந்த உறவினர், நண்பர்கள் வலிய வந்துப் பேசத் தொடங்குவார்கள். வேலைக்கு விண்ணப்பித்து காத்திருந்தவர்களுக்கு நல்ல நிறுவனத்திலிருந்து அழைப்பு வரும். 
 
உங்களுக்கு வருடம் பிறக்கும் போது அஷ்டமத்துச் சனி நடைபெற்றுக் கொண்டிருப்பதால் சின்ன சின்ன காரியங்கள் கூட தடைப்பட்டு முடிவடையும். புதியவர்கள், திடீரென்று அறிமுகமாகுபவர்களை நம்பி வீட்டிற்கு அழைத்து வர வேண்டாம். எவ்வளவு பணம் வந்தாலும் எடுத்து வைக்க முடியாதபடி செலவுகளும் இருக்கும். பணப்பற்றாக்குறையும் இருக்கும். மற்றவர்களுக்கு ஜாமீன், கேரண்டர் கையப்பமிட வேண்டாம். தூக்கம் குறையும். சொன்ன சொல்லை நிறைவேற்ற முடியாமல் போகும். தவறு செய்யாமலேயே உங்களை சிலர் குற்றவாளியாக்க முயற்சி செய்வார்கள். கூடாப்பழக்க வழக்கங்களை தவிர்ப்பது நல்லது.
 
வெளிவட்டாரத்தில் யாரையும் தாக்கியும் பேச வேண்டாம், தூக்கியும் பேச வேண்டாம். பணம் வாங்கித் தருவதிலும், கல்யாண விஷயத்திலும் குறுக்கே நிற்காதீர்கள். கடந்த காலத்தில் கிடைத்த நல்ல வாய்ப்புகளையெல்லாம் சரியாக பயன்படுத்தாமல் விட்டு விட்டோமே என அவ்வப்போது ஆதங்கப்படுவீர்கள். அநாவசியமாக மற்றவர்கள் விஷயத்தில் தலையிட வேண்டாம். சிலர் உங்கள் முன் புகழ்ந்து பேசிவிட்டு பின்னாடி இகழ்ந்து பேசுவார்கள்.   
 
வியாபாரத்தில் சில நேரங்கள் வியாபாரத்தில் ஆர்வமில்லாமலும் போகும். ஜனவரி, பிப்ரவரி மாதங்களில் ஓரளவு லாபம் கிடைக்கும். ஜீலை முதல் டிசம்பர் வரை உள்ள காலக்கட்டமும் உங்களுக்கு ஆதாயம் தரக்கூடியதாக இருக்கும். உணவு, மருந்து, கெமிக்கல், கட்டுமானப் பொருட்களாலும் லாபமடைவீர்கள். அஷ்டமத்துச் சனி நடைபெறுவதால் கூட்டுத் தொழிலில் பிரச்னைகள் வெடிக்கும். பங்குதாரர்களால் சிக்கல்கள் வரும். வேலையாட்களும் உங்களுடைய கஷ்ட, நஷ்டங்களைப் புரிந்துக் கொள்ளாமல் பொறுப்பற்று நடந்துக் கொள்வார்கள். வியாபார ரகசியங்களை வெளியில் சொல்ல வேண்டாம். பழைய பாக்கிகளை போராடி வசூலிக்க வேண்டி வரும். ஜீலை மாதத்திலிருந்து தொழிலில் நிம்மதியும், லாபமும் கிட்டும்.
 
உத்யோகத்தில் உயரதிகாரிகளுடன் மோதல்கள் வரும். சக ஊழியர்களுடனும் சின்ன சின்ன சண்டை, சச்சரவுகள் வந்து நீங்கும். ஜீன் மாதம் வரை உத்யோகத்தில் பிரச்னைகளும், நிம்மதியற்றப் போக்கும், மரியாதைக் குறைவான சம்பவங்களும் இருக்கும். ஜீலை மாதத்திலிருந்து உங்களுடைய உழைப்பிற்கு அங்கீகாரம் கிடைக்கும். உதாசீனப்படுத்தப்பட்ட உங்களுக்கு மரியாதைக் கூடும். ஆகஸ்ட், செப்டம்பர், அக்டோபர் மாதங்களில் நல்ல திருப்பு முனை உண்டாகும்.
 
மாணவ-மாணவிகளே! அஷ்டமத்துச் சனி நடைபெறுவதால் படிப்பில் கூடுதல் கவனம் செலுத்துங்கள். விடைகளை எழுதிப்பாருங்கள். விளையாடும் போது சின்ன சின்ன காயங்கள் ஏற்படக்கூடும். வகுப்பறையில் வீண் அரட்டைப் பேச்சை தவிர்க்கப்பாருங்கள். கன்னிப் பெண்களே! வருடத்தின் முற்பகுதியில் காதலில் ஏமாற்றமும், உயர்கல்வியில் தேக்கமும், மந்தமும் ஏற்படும். ஜீலை மாதத்திலிருந்து கல்வியில் ஆர்வம் பிறக்கும். போட்டித் தேர்வுகளில் வெற்றி பெறுவீர்கள். வேலைக் கிடைக்கும். வருடத்தின் இறுதிப் பகுதியில் திருமணம் கூடி வரும். இந்தப் புத்தாண்டு முற்பகுதி பாகற்காயாக இருந்தாலும் பிற்பகுதி பணங்கற்கண்டாக இனிக்கும்.


Offline Maran

  • Classic Member
  • *
  • Posts: 4255
  • Total likes: 1220
  • Karma: +0/-0
  • Gender: Male
  • I am a daydreamer and a nightthinker
    • Facebook

ரிஷபம் - 2015 ஆங்கில புத்தாண்டு பலன்கள்


கஷ்ட, நஷ்டங்களைக் கண்டு கலங்காதவர்களே! உங்கள் ராசிநாதன் சுக்ரனும், தன-பூர்வ புண்யாதிபதியான புதனும் சாதகமாக இருப்பதால் எவ்வளவு பிரச்னைகள் வந்தாலும் எதிர்கொள்ளக் கூடிய சக்தி கிடைக்கும். முன்னேற்றம் உண்டு. சாதுர்யமாகப் பேசி சில முக்கிய காரியங்களை முடிப்பீர்கள். மனஇறுக்கம் ஒருபக்கம் இருந்தாலும் தைரியமும் பிறக்கும். செவ்வாயும் சாதகமாக இருப்பதால் சகோதர வகையில் உதவிகள் உண்டு. எதிர்ப்புகள் குறையும். வீடு வாங்கும் போது தாய் பத்திரத்தை சரி பார்த்துக் கொள்வது நல்லது.

அரசிடமிருந்து முறையான கட்டிட வரைப்பட அனுமதிப் பெறாமல் கட்ட வேண்டாம். விதிகளை மீறி கூடுதல் தளம் அமைப்பது, கூடுதல் அறை அமைப்பதை தவிர்ப்பது நல்லது. கௌரவப் பதவிகள் தேடி வரும். பிரபலங்கள் அறிமுகமாவார். வெளிவட்டாரத்தில் மதிக்கப்படுவீர்கள். வி.ஐ.பிகளின் அறிமுகம் இருந்தும், நட்பிருந்தும் அவர்களை சரியாகப் பயன்படுத்திக் கொள்ள முடியவில்லையே என ஆதங்கப்படுவீர்கள்.
 
5-ம் இடத்தில் ராகு நிற்பதால் இனந்தெரியாத மனக்கவலை வந்துப் போகும். உங்களின் திறமைகள் குறைந்து விட்டதாக நீங்கள் நினைத்துக் கொள்வீர்கள். உறவினர்களில் சிலர் உங்களை அவமதிக்க வாய்ப்பிருக்கிறது. பிள்ளைகளிடம் உங்களுடைய கோபத்தை காட்டாதீர்கள். பூர்வீக சொத்துப் பிரச்னையில் தலையிட்டு அதை சீர்த்திருத்தம் செய்வதாக நினைத்து அதில் செலவு செய்து சிக்கிக் கொள்ளாதீர்கள். பூர்வீகத்தை நோக்கி இடம் பெயர்வதும் நல்லதல்ல. சிலர் சொந்த ஊரை விட்டு விலகி வேறு இடத்திற்கு மாற வேண்டிய சூழ்நிலை உருவாகும்.
 
உங்களுடைய 12-வது ராசியில் இந்தப் புத்தாண்டு பிறப்பதால் விரையச் செலவுகள் அதிகமாகும். பயணங்களும் இருக்கும். தூக்கமும் குறையும். காலமெல்லாம் கஷ்டப்பட்டுக் கொண்டிருக்க வேண்டியது தானா, மகிழ்ச்சியே வாழ்க்கையில் இருக்காதா என்றெல்லாம் புலம்புவீர்கள். உங்கள் ராசியை சனிபகவான் பார்த்துக் கொண்டிருக்கும் நேரத்தில் இந்தப் புத்தாண்டு பிறப்பதால் நீங்கள் ஆரோக்யத்தில் அக்கறை காட்டுவது நல்லது. காரம், கொழுப்புச் சத்துள்ள உணவுகளை தவிர்க்கப்பாருங்கள். முடிந்த வரை வெளி உணவுகளையும் தவிர்க்கப்பாருங்கள். வழக்கம் போல மனதில் தோன்றுவதையெல்லாம் வெளிப்படையாகப் பேசி சிக்கிக் கொள்ளாதீர்கள். அடுத்தடுத்த வீண் பழிகள் வர வாய்ப்பிருக்கிறது. சிலர் நன்றி மறந்துப் பேசுவார்கள். உங்களிடம் உழைப்பை வாங்கிக் கொண்டு உங்களை கறிவேப்பில்லையாக தூக்கி எறிவார்கள்.
 
அதையெல்லாம் நினைத்து அவ்வப்போது கண் கலங்குவீர்கள். பண விஷயத்தில் கறாராக இருங்கள். உங்களுடைய இரக்க சிந்தனையால் தான் நீங்கள் அவ்வப்போது ஏமாந்துப் போகிறீர்கள். கண்டகச் சனி நடைபெற்றுக் கொண்டிருப்பதால் கணவன்-மனைவிக்குள் அடிக்கடி சண்டை, சச்சரவுகள் வரும். கடந்த கால தவறுகள், குற்றங்கள், ஏச்சுப் பேச்சுகளையெல்லாம் இப்போது நினைவுக்கூர்ந்து புதிய பிரச்னைகளை உருவாக்காதீர்கள். மறப்போம், மன்னிப்போம் என்றிருப்பது நல்லது. இலவசமாக சில கெட்ட பழக்க வழக்கங்கள் உங்களை தொற்றிக் கொள்ள வாய்ப்பிருக்கிறது. கூடாநட்பையெல்லாம் தவிர்ப்பது நல்லது.
 
உங்களுடைய ராசிக்கு 3-ம் வீட்டில் குரு மறைந்திருக்கும் நேரத்தில் இந்தப் புத்தாண்டு பிறப்பதால் திட்டமிட்டு எதையும் செய்யப்பாருங்கள். புதிய முயற்சிகளில் கவனம் தேவை. விவாதங்களையும் தவிர்ப்பது நல்லது. வழக்குகளில் வழக்கறிஞரின் போக்கு சரியாக இருக்கிறதா என்பதை அவ்வப்போது நீங்கள் ஆராய்வது நல்லது. வங்கிக் கடனை நினைத்தும் கலங்குவீர்கள். வெளியில் தைரியசாலியாக உங்களைக் காட்டிக் கொண்டாலும், உள்மனதில் ஒருவித பயம் பரவும்.
 
வியாபாரத்தில் பெரிய முதலீடுகள் வேண்டாம். புதிய பங்குதாரர்களையும் சேர்த்துக் கொள்ளாதீர்கள். இந்த வருடத்தில் நீங்கள் இருப்பதை வைத்து வியாபாரம் செய்வது நல்லது. வேலையாட்களால் ஏமாற்றங்களும், பிரச்னைகளும் வரக்கூடும். முன்பணம் யாருக்கும் தர வேண்டாம். கமிஷன், புரோக்கரேஜ், ஸ்டேஷனரி வகைகளால் லாபம் வரும். கேது 11-ல் நிற்பதால் சந்தை நிலவரத்தை அறிந்து, விளம்பர யுக்திகளை கையாண்டு ஓரளவு லாபம் ஈட்டுவீர்கள்.

உத்யோகத்தில் சின்ன சின்ன பழிகள் வந்து சேரும். கடினமாக உழைத்தும் அங்கீகாரம் இல்லையே என்று கலங்குவீர்கள். சக ஊழியர்களிடம் மேலதிகாரிகளைப் பற்றி எதுவும் தெரிவித்துக் கொண்டிருக்க வேண்டாம். மேலதிகாரியின் வற்பூர்த்தலின் பேரில் சில தவறுகளை செய்து விடாதீர்கள். இடமாற்றம் இருக்கும். சிறுசிறு அவமானங்களை சந்திக்க வேண்டி வரும். குடும்பத்தை விட்டு பிரிந்து வெளிமாநிலம் அல்லது வெளிநாட்டில் வேலைக்கு செல்ல வேண்டி வரும்.
 
மாணவ-மாணவிகளே! கணிதப் பாடத்தில் அதிக அக்கறை காட்டுங்கள். டி.வி. பார்க்கும் நேரத்தை குறையுங்கள். விளையாடுங்கள் ஆனால் கிரிக்கெட் போன்ற கடினமான பந்துகளைக் கொண்ட விளையாட்டுகளை தவிர்ப்பது நல்லது. கெட்ட நண்பர்களின் சகவாசத்தை தவிர்க்கப்பாருங்கள். கன்னிப் பெண்களே! காதல் விவகாரத்தை தள்ளி வைத்து விட்டு உயர்கல்வியில் உங்கள் கவனத்தை முழுமையாக திருப்புவது நல்லது. பெற்றோருடனும் கருத்து மோதல் வரும். கோபத்தை குறையுங்கள். இன்பெக்ஷன், அலர்ஜி, மாதவிடாய்க் கோளாறு வந்து நீங்கும். கல்யாண விஷயத்தில் அவசரம் காட்ட வேண்டாம். இந்தப் புத்தாண்டு உங்களை பல வகையிலும் அலைக்கழிக்க வைப்பதாக இருந்தாலும் தன்னம்பிக்கையாலும், கடின உழைப்பாலும் ஓரளவு முன்னேற்றத்தை தரும்.


Offline Maran

  • Classic Member
  • *
  • Posts: 4255
  • Total likes: 1220
  • Karma: +0/-0
  • Gender: Male
  • I am a daydreamer and a nightthinker
    • Facebook

மிதுனம் - 2015 ஆங்கில புத்தாண்டு பலன்கள்


சமூக அவலங்களை தட்டிக் கேட்க தயங்காதவர்களே! உங்களுடைய ராசிக்கு தனஸ்தானமான 2-ம் வீட்டில் குரு நிற்கும் போது இந்தப் புத்தாண்டு பிறப்பதால் குடும்ப வருமானம் உயரும். குடும்பத்திலும் மகிழ்ச்சி தங்கும். கணவன்-மனைவிக்குள் இருந்த மோதல்கள் விலகும். மனம் விட்டு பேசி சில முக்கிய முடிவுகள் எடுப்பீர்கள். உறவினர், நண்பர்கள் மத்தியில் மரியாதைக் கூடும். வேலைக்கு விண்ணப்பித்து காத்திருந்தவர்களுக்கு நல்ல நிறுவனத்திலிருந்து அழைப்பு வரும். மகளுக்கு நல்ல வரன் அமையும். மகனுக்கு நல்ல நிறுவனத்தில் வேலைக் கிடைக்கும்.

பிள்ளைகள் உயர்கல்வி, உத்யோகத்தின் பொருட்டு அயல்நாடு செல்வார்கள். ஷேர் மூலமாகவும் பணம் வரும். முன்கோபம் குறையும். சாதுர்யமாகவும், இங்கிதமாகவும் பேசி எல்லா வேலைகளையும் முடித்துக் காட்டுவீர்கள். அக்கம்-பக்கம் வீட்டாரும் மதிப்பார்கள். முகம் மலரும். அழகு, இளமைக் கூடும். அரசால் ஆதாயம் உண்டாகும். அரசு காரியங்கள் விரைந்து முடிவடையும்.
 
சனிபகவான் உங்கள் ராசிக்கு 6-ம் வீட்டில் நிற்கும் போது இந்தப் புத்தாண்டு பிறப்பதால் வழக்குகள் சாதகமாகும். இழுபறியாக இருந்த தள்ளிப் போன காரியங்கள் உடனடியாக முடிவடையும். தைரியமாக சில முக்கிய முடிவுகள் எடுப்பீர்கள். பழைய கடனில் ஒரு பகுதியை பைசல் செய்வீர்கள். சவால்கள், விவாதங்களில் வெற்றி பெறுவீர்கள். இரு சக்கர வாகனத்தை தந்து விட்டு நான்கு சக்கர வாகனம் அமைப்பு உண்டாகும். வாடகை வீட்டிலிருந்து சொந்த வீட்டிற்கு மாறுவீர்கள். திடீர் அதிர்ஷ்டங்கள் கூடி வரும். ஹிந்தி, மலையாளம் பேசுபவர்களால் ஆதாயமடைவீர்கள். சிலர் உத்யோகத்தை விட்டு விட்டு சொந்த தொழில் தொடங்குவீர்கள். உங்கள் ரசனைக் கேற்ப வீடு, மனை அமையும். புது டிசைனில் நகை வாங்குவீர்கள்.
 
உங்களுடைய ராசியை சூரியன் பார்த்துக் கொண்டிருக்கும் நேரத்தில் இந்த வருடம் பிறப்பதால் உடல் உஷ்ணம் அதிகமாகும். கனவுத் தொல்லையும் வந்துப் போகும். சில நேரங்களில் உணர்ச்சிவசப்பட்டு பேசுவீர்கள். மற்றவர்களை திருத்துவதற்கு முயற்சி செய்து உங்கள் பெயரை நீங்கள் கெடுத்துக் கொள்ள வேண்டாம். ராசிக்கு 8-ல் செவ்வாய் மறைந்திருக்கும் போது இந்தாண்டு பிறப்பதால் உடன்பிறந்தவர்களால் அலைச்சல், டென்ஷன் இருக்கும்.

ங்கையின் திருமணத்தை முன்னின்று நடத்துவீர்கள். வீடு, மனை வாங்குவது, விற்பதில் வில்லங்கம் வந்து விலகும். உங்கள் யோகாதிபதிகளான புதனும், சுக்ரனும் ராசிக்கு 8-ல் நிற்கும் போது இந்தாண்டு பிறப்பதால் திடீர் பயணங்கள் அதிகரிக்கும். நீண்ட நாட்களாக செல்ல வேண்டுமென்று நினைத்திருந்த வெளி மாநில புண்ணிய ஸ்தலங்களுக்குச் சென்று வருவீர்கள். வீடு கட்டுவீர்கள். வங்கிக் கடன் உதவி கிடைக்கும். மின்னணு, மின்சார சாதனங்கள் நவீனமாக வாங்குவீர்கள். மனைவிவழியில் உதவிகள் உண்டு. மனைவிக்கு வேலைக் கிட்டும்.
 
4-ம் வீட்டில் ராகு நிற்கும் போது இந்தப் புத்தாண்டு பிறப்பதால் தாயாருடன் கருத்து மோதல் வரும். அவரின் உடல் நிலை பாதிக்கும். வாகனம் அடிக்கடி பழுதாகி சரியாகும். கூடாப்பழக்க வழக்கங்களை தவிர்க்கப்பாருங்கள். லாகிரி, வஸ்துக்களையும் தவிர்ப்பது நல்லது. வெளிவட்டாரத் தொடர்புகள் விரிவடையும். லயன்ஸ் கிளப், ரோட்டரி கிளப்பில் மதிக்கப்படுவீர்கள். திடீர் பதவிகள், பெரிய பொறுப்புகள் தேடி வரும்.வியாபாரத்தில் சில மாற்றங்களை கொண்டு வருவீர்கள். சிலர் புது ஏஜென்சியும் எடுப்பீர்கள். சந்தை நிலவரத்தையும், வாடிக்கையாளர்களின் ரசனைகளையும் புரிந்துக் கொண்டு அதற்கேற்ப தொழிலை மாற்றுவீர்கள். எலக்ட்ரானிக்ஸ், உணவு, போடிங், லாஜிங், துணி வகைகளால் லாபம் அதிகரிக்கும். பாக்கிகளும் வசூலாகும். புதிதாக பங்குதாரரை சேர்ப்பீர்கள். பழைய பங்குதாரர்கள் விலகுவார்கள். நல்ல அனுபவமிக்க வேலையாட்கள் வந்தமைவார்கள்.
 
உத்யோகத்தில் வேலைச்சுமை அதிகமாகும். உங்கள் ராசிக்கு 10-வது வீட்டில் கேது நிற்பதால் உழைப்பிற்கேற்ற அங்கீகாரம் இல்லையே என அவ்வப்போது வருத்தப்படுவீர்கள். ஆனாலும் மூத்த அதிகாரிகள் உங்களுக்கு முக்கியத்துவம் தருவார்கள். ஒரு அதிகாரி உங்களுக்கு எதிராக இருந்தாலும் மற்றொரு அதிகாரி உங்களுக்கு சாதகமாக இருப்பார். எதிர்பார்த்த இடமாற்றம் கிடைக்கும். அதிக சம்பளத்துடன் வேறு நல்ல நிறுவனத்திலிருந்தும் அழைப்பு வரும். சம்பள பாக்கி கைக்கு வரும். பதவி உயர்வையும் நீங்கள் எதிர்பார்க்கலாம்.
 
மாணவ-மாணவிகளே! மாநில அளவில் நீங்கள் அதிக மதிப்பெண்களை பெற்று பரிசு, பாராட்டுகள் பெறுமளவிற்கு யோகம் உள்ளது. இருந்தாலும் அலட்சியம் இருந்துவிடாதீர்கள். இன்னும் கொஞ்சம் கூடுதல் கவனம் செலுத்திப் படித்தால் அரசின் உதவித் தொகையுடன் நீங்கள் உயர்கல்வி தொடரும் வாய்ப்பு யோகம் உண்டாகும். எதிர்பார்த்த கல்வி பிரிவு, கல்வி நிறுவனத்தில் சேருவீர்கள்.
 
கன்னிப் பெண்களே! காதலும் இனிக்கும், கல்வியும் இனிக்கும். வேலையும் கிடைக்கும். நீண்ட நாள் ஆசை நிறைவேறும். பெற்றோரின் கனவுகளை நனவாக்குவீர்கள். திருமணம் நீங்கள் எதிர்பார்த்தபடி அமையும். சொந்தமாக வீடு, மனை வாங்குவீர்கள். உத்யோகத்தில் செல்வாக்குக் கூடும். இந்த 2015ம் ஆண்டு உங்களுக்கு லாப ஸ்தானத்தில் பிறப்பதால் எங்கும், எதிலும் வெற்றி வாகை சூடும் வருடமாக உங்களுக்கு அமையும்.


Offline Maran

  • Classic Member
  • *
  • Posts: 4255
  • Total likes: 1220
  • Karma: +0/-0
  • Gender: Male
  • I am a daydreamer and a nightthinker
    • Facebook

கடகம் - 2015 ஆங்கில புத்தாண்டு பலன்கள்


இனப்பற்றும், மொழிப்பற்றும் உள்ளவர்களே! உங்களுடைய ராசிக்கு 3-ம் வீட்டிலேயே இந்தாண்டு முழுக்க ராகு தொடர்வதால் தைரியம் பிறக்கும். பெரிய பொறுப்புகள், பதவிகள் தேடி வரும். தோல்விமனப்பான்மை நீங்கும். உங்களைப் பற்றிய அவதூறுப் பேச்சுகளும் விலகும். இளைய சகோதர வகையில் செலவுகள் இருக்கும். சகோதரனின் திருமணத்தை முன்னின்று நடத்துவீர்கள். அரசு பதவிகள் கிடைக்கும். ஷேர் மூலமாகவும் பணம் வரும். உங்களுடைய ராசிக்கு 7-ம் வீட்டில் செவ்வாய், சுக்ரன், புதன் அமர்ந்திருக்கும் நேரத்தில் இந்தாண்டு பிறப்பதால் பொது அறிவு, மொழி அறிவுத் திறனையெல்லாம் வளர்த்துக் கொள்வீர்கள்.
 
வி.ஐ.பிகளின் தொடர்பு கிடைக்கும். கணவன்-மனைவிக்குள் ஆரோக்யமான விவாதங்கள் வரும். முன்கோபத்தை குறைத்துக் கொள்வது நல்லது. திருமணத் தடை நீங்கும். பிள்ளை பாக்யம் கிடைக்கும். விலை உயர்ந்த மின்னணு, மின்சார சாதனங்கள் வாங்குவீர்கள். சூரியன் வலுவடைந்திருக்கும் நேரத்தில் இந்தாண்டு பிறப்பதால் நாடாளுபவர்களின் நட்பு கிடைக்கும். போட்டி, விவாதங்களில் வெற்றி கிட்டும். உறவினர்கள் மத்தியில் செல்வாக்கு உயரும். அரசாங்க விஷயங்கள் சுலபமாக முடியும். அயல்நாடு செல்ல விசா கிடைக்கும். 
 
உங்களுடைய ராசியிலேயே குருபகவான் அமர்ந்திருக்கும் நேரத்தில் இந்தப் புத்தாண்டு பிறப்பதால் கொஞ்சம் வேலைச்சுமையும், படபடப்பும் இருந்துக் கொண்டேயிருக்கும். இரண்டு, மூன்று முறை முயன்று சில காரியங்களை முடிக்க வேண்டி வரும். தலைச்சுற்றல், வயிற்று வலி, வாயுக் கோளாறால் நெஞ்சு வலி வரும். பெரிய நோய்கள் இருப்பதற்கான அறிகுறிகள் சில நேரங்களில் தென்படும். ஆனால் மருத்துவ பரிசோதனை செய்துப் பார்க்கும் போது பெரிய ஆபத்து இல்லை என்பதை உணருவீர்கள். இருந்தாலும் நீங்கள் ஆரோக்யத்தில் அக்கறை காட்டுவது நல்லது. எளிதில் செரிமானமாகும் உணவுகளை உட்கொள்ளுங்கள். பண விஷயத்தில் கொஞ்சம் கறாராக இருங்கள். சமய, சந்தர்ப்ப, சூழ்நிலைகளை பயன்படுத்திக் கொண்டு சிலர் உங்களை ஏமாற்ற முனைவார்கள்.
 
 உறவினர், நண்பர்களும் உங்களைப் பார்த்தால் ஒரு பேச்சு, பார்க்காவிட்டால் ஒரு பேச்சு என்றிருப்பார்கள். ஆனால் ஜீலை மாதம் முதல் உங்கள் ராசியை விட்டு குரு விலகுவதால் ஆரோக்யம், அழகுக் கூடும். நோய் பற்றிய பயம் விலகும். செப்டம்பர் மாதம் முதல் உங்களுக்கு பணவரவு அதிகரிக்கும். பிரிந்திருந்த கணவன்-மனைவி ஒன்று சேருவீர்கள். எதிர்ப்புகள் அடங்கும். வழக்குகள் சாதகமாகும். செப்டம்பர், அக்டோபர் மாதங்களில் வாகனம் வாங்கும் அமைப்பு உண்டாகும். சிலர் நல்ல காற்றோட்டம், தண்ணீர் வசதியுள்ள வீட்டிற்கு மாறுவீர்கள். சிலர் சொந்த வீடு வாங்கும் அமைப்பும் உண்டாகும்.
 
சனிபகவான் உங்கள் ராசிக்கு 5-ம் வீட்டில் சனிபகவான் நிற்கும் போது இந்த 2015ம் ஆண்டு பிறப்பதால் பூர்வீக சொத்துப் பிரச்னை தலைத்தூக்கும். தாய்வழி உறவினர்களுடன் சின்ன சின்ன மோதல்கள் வரும். பிள்ளைகளிடம் அளவாகப் பேசுங்கள். உங்களுடைய பழங்கதைகளையெல்லாம் அவர்களிடம் சொல்லிக் கொண்டிருக்காதீர்கள். ஜென்ரேஷன் கேப் வராமல் பார்த்துக் கொள்ளுங்கள். தூக்கம் குறையும். குலதெய்வக் கோவிலுக்கு மறவாமல் சென்று வாருங்கள். இந்தாண்டு முழுக்க கேது 9-ம் வீட்டில் நீடிப்பதால் தந்தையாருடன் பிணக்குகள் வரும். அவரின் ஆரோக்யத்தில் அக்கறை காட்டுங்கள். வருடத்தின் முற்பகுதியில் செலவுகள் அடுத்தடுத்து வரும். திடீர் பயணங்களும் அதிகரிக்கும். பிற்பகுதியில் ஓரளவு சேமிப்பீர்கள். வீடு, மனை வாங்குவதற்கு வங்கிக் கடன் உதவி கிட்டும். வாகனம் வாங்குவீர்கள்.
 
வியாபாரத்தில் புதிய திட்டங்கள் தீட்டுவீர்கள். வேலையாட்களை தட்டிக் கொடுத்து வேலை வாங்குவீர்கள். புது ஏஜென்சி கையெழுத்தாகும். பழைய பங்குதாரரை மாற்றுவீர்கள். வருடத்தின் முற்பகுதியில் லாபம் மந்தமாக இருந்தாலும், பிற்பகுதியில் லாபம் அதிகரிக்கும். ஏப்ரல், மே மாதங்களில் கடையை விரிவுப்படுத்தி, அழகுப்படுத்துவீர்கள். ஆகஸ்ட், செப்டம்பர், அக்டோபர் மாதங்களில் வாடிக்கையாளர்களின் எண்ணிக்கை அதிகரிக்கும். தள்ளிப் போன வாய்ப்புகளும் கூடி வரும். உத்யோகத்தில் ஜனவரி, பிப்ரவரி அலைச்சலும், சின்ன சின்ன மரியாதைக் குறைவான சம்பவங்களும் நிகழும். ஏப்ரல், மே மாதங்களில் உத்யோகத்தில் திருப்திகரமான சூழ்நிலை உருவாகும். வருடத்தின் பிற்பகுதியில் எதிர்பார்த்த சலுகைகள் கிடைக்கும். அதிகாரியின் மனசு மாறும். சக ஊழியர்களால் இருந்து வந்த இடையூறுகள் நீங்கும்.
 
மாணவ-மாணவிகளே! டி.வி. பார்த்துக் கொண்டேயிருக்காதீர்கள். நேரம் கிடைக்கும் நீச்சல், சைக்கிளிங் செய்வது நல்லது. அறிவியில் பாடத்தில் கூடுதல் கவனம் செலுத்துங்கள். பெற்றோரின் உங்களின் தேவைகளைப் பூர்த்தி செய்வார்கள்.கன்னிப் பெண்களே! பெற்றோருடன் மோதிக் கொண்டிருக்க வேண்டாம். உங்களுடைய எண்ணங்களையும், கருத்துக்களையும் பொறுமையாக எடுத்துச் சொல்லுங்கள். வருடத்தின் பிற்பகுதியில் உங்களுக்கு வேலைக் கிடைக்கும். திருமணமும் கூடி வரும். காதலும் கனிந்து வரும். இந்தப் புத்தாண்டு கடந்த வருடத்தில் இருந்த கஷ்ட, நஷ்டங்களையெல்லாம் தீர்ப்பதாகவும், முற்பகுதியில் சின்ன சின்ன இடையூறுகளை தரக் கூடியதாகவும், மையப்பகுதியில் ஓரளவு மகிழ்ச்சியையும், இறுதிப் பகுதியில் எதிர்பாராத திடீர் முன்னேற்றங்களையும் தருவதாகவும் அமையும்.


Offline Maran

  • Classic Member
  • *
  • Posts: 4255
  • Total likes: 1220
  • Karma: +0/-0
  • Gender: Male
  • I am a daydreamer and a nightthinker
    • Facebook

தனுசு - 2015 ஆங்கில புத்தாண்டு பலன்கள்


பிரச்னையென வந்து விட்டால் சட்டம் பேசுபவர்களே! உங்களுடைய ராசிக்கு 2-வது வீட்டில் புதன், சுக்ரன், செவ்வாய் ஆகிய கிரகங்கள் நிற்கும் நேரத்தில் இந்த 2015ம் ஆண்டு பிறப்பதால் எல்லா வகையிலும் நீங்கள் முன்னேறுவீர்கள். கணவன்-மனைவிக்குள் அன்யோன்யம் அதிகரிக்கும். சிக்கல்கள், பிரச்னைகளின் ஆணிவேரைக் கண்டறிந்து அதைத் தீர்ப்பீர்கள். இதமானப் பேச்சால் முக்கிய காரியங்களை முடிப்பீர்கள். பணவரவு பலவகையிலும் உண்டு ஆனால் செலவினங்களும் கட்டுக்கடங்காமல் போகும். ஷேர் மூலமாகவும் பணம் வரும். வழக்குகள் பேசி தீர்க்க வழி வகை கிடைக்கும். மனஇறுக்கங்கள் குறையும். வீட்டில் கூடுதல் தளம் அமைப்பீர்கள். சமையலறையை நவீனமாக்குவீர்கள். குழந்தை பாக்யம் கிடைக்கும்.
 
      உங்களுடைய ராசிக்கு 5-ம் வீட்டில் சந்திரன் நின்றுக் கொண்டிருக்கும் போது இந்தப் புத்தாண்டு பிறப்பதால் புதிய சிந்தனைகள் மனதில் தோன்றும். உறவினர், நண்பர்களுடன் இருந்த உரசல் போக்கு நீங்கும். புதிய பாதையில் பயணிப்பீர்கள். ஹிந்தி, தெலுங்கு, கன்னடம் பேசுபவர்கள் அறிமுகமாவார்கள். அயல்நாட்டிலிருப்பவர்களின் நட்பு கிடைக்கும். வெளிநாடு செல்ல விசா கிடைக்கும். உங்களுடைய ராசிநாதன் குரு 8வது வீட்டில் மறைந்துக் கிடக்கும் போது இந்த 2015-ம் ஆண்டு பிறப்பதால் அலைச்சல், செலவுகள் இருந்துக் கொண்டேயிருக்கும். மகளுக்கு நல்ல நிறுவனத்தில் வேலைக் கிடைக்கும். மகனுக்கும் நல்ல வாழ்க்கைத் துணை அமையும்.
 
பிள்ளைகளால் மனவருத்தங்கள் வந்துப் போகும். ஆனால் ஜீலை மாதம் முதல் உங்கள் ராசிநாதன் குரு 9ம் வீட்டில் வந்தமர்வதால் குடும்பத்தில் மகிழ்ச்சி உண்டு. பணவரவும் அதிகரிக்கும். எதிர்பார்த்து ஏமாந்துப் போன தொகை கைக்கு வரும். பிள்ளைகளின் பிடிவாதப் போக்கு மாறும். அவர்கள் பொறுப்பாக நடந்துக் கொள்வார்கள். புதிய முயற்சிகள் பலிதமாகும். ஏழரைச் சனி தொடங்கியிருப்பதால் மற்றவர்களை நம்பி பெரிய முடிவுகள் எடுக்க வேண்டாம்.
 
பணம், நகை வாங்கித் தருவதில் குறுக்கே நிற்க வேண்டாம். ஆனால் நட்பு வட்டம் விரிவடையும். பெரிய அந்தஸ்தில் இருப்பவர்கள் அறிமுகமாவார்கள். ஆரோக்யத்தில் அக்கறை காட்டுங்கள். லேசாக முதுகு வலி, மூட்டு வலி வரும். சொமானக் கோளாறு, மலச்சிக்கல்களும் வரக்கூடும். புதியவர்களை நம்பி ஏமாற வேண்டாம். கவனக்குறைவாலும் சிலவற்றை இழந்துவிடாதீர்கள். பழைய மின்னணு, மின்சார சாதனங்களை விற்று விட்டு புதிதாக வாங்குவீர்கள். வாகன வசதி உண்டாகும். வெளிவட்டாரத் தொடர்புகள் விரிவடையும்.
 
      உங்களுடைய ராசிக்கு 4-ம் வீட்டில் கேது நிற்கும் போது இந்தப் புத்தாண்டு பிறப்பதால் தாயாரின் உடல் நிலை பாதிக்கும். வாகனம் அடிக்கடி பழுதாகும். வீட்டில் குடி நீர் குழாய், கழிவு நீர் குழாய் அடைப்பு வந்து நீங்கும். கேஸ் சிலிண்டருக்கு பயன்படுத்தும் டியூப் பழுதாகியிருந்தால் உடனே மாற்றுங்கள். எண்ணெய் பதார்த்தங்கள் செய்துக் கொண்டிருக்கும் போது அலைப்பேசியை பயன்படுத்த வேண்டாம். உங்களைப் பற்றிய விமர்சனங்கள் அதிகமாகும். வியாபாரத்தில் ஓரளவு லாபம் உண்டு. கமிஷன், புரோக்கரேஜ், ஸ்டேஷனரி வகைகளால் லாபம் வரும். புதிய வாடிக்கையாளர்கள் வருவார்கள். பழைய வாடிக்கையாளர்களும் தேடி வருவார்கள். ஜீலை மாதத்திலிருந்து புகழ் பெற்ற மக்கள் நடமாட்டம் அதிகமுள்ள இடத்திற்கு கடையை மாற்றுவீர்கள். ஏற்றுமதி, இறக்குமதி, உணவு வகைகளாலும் ஆதாயமடைவீர்கள். புதிய பங்குதாரர்களை சேர்ப்பீர்கள்.
 
பழைய பங்குதாரர்களுடன் இருந்த மோதல்கள் ஜீலை மாதம் முதல் குறையும். உத்யோகத்தில் உங்களுடைய கடின உழைப்பை உயரதிகாரி புரிந்துக் கொள்வார். மூத்த அதிகாரிகள் உறுதுணையாக இருப்பார்கள். சக ஊழியர்களின் ஒத்துழைப்பு அதிகரிக்கும். ஜீலை மாதம் முதல் உங்கள் ராசிக்கு 9-ம் வீட்டில் குரு வந்தமர்வதால் புது வேலைக் கிடைக்கும். எதிர்ப்புகளும் நீங்கும். ஆகஸ்ட், செப்டம்பர், அக்டோபர் மாதங்களில் சம்பள பாக்கி கைக்கு வரும். புது பொறுப்புகள் தேடி வரும். அயல்நாடு தொடர்புடைய நிறுவனத்திலும் வேலைக் கிடைக்க வாய்ப்பிருக்கிறது.
 
      மாணவ-மாணவிகளே! மந்தம், மறதி வந்து நீங்கும். வகுப்பறையில் வீண் அரட்டைப் பேச்சை தவிர்ப்பது நல்லது. ஏழரைச் சனி தொடங்கியிருப்பதால் கூடாப்பழக்கமுள்ளவர்களின் நட்பை தவிர்க்கப்பாருங்கள். பெற்றோருக்கு தெரியாமல் எதையும் செய்துக் கொண்டிருக்க வேண்டாம். சமூக அறிவியல், கணிதப் பாடத்தில் அதிக கவனம் செலுத்துங்கள். கன்னிப் பெண்களே! மனக்குழப்பங்கள் நீங்கும். தெளிவாக முக்கிய முடிவுகள் எடுப்பீர்கள். நல்லவர்களின் நட்பு கிடைக்கும். புது வேலைக்கு முயற்சி செய்தீர்களே! நல்ல பதில் வரும். ஜீலை மாதத்திலிருந்து திருமணம் கூடி வரும். உங்கள் ரசனைக் கேற்ப நல்ல வரனும் அமையும். இந்தப் புத்தாண்டு தொடக்கத்தில் செலவுகளையும், அலைச்சலையும் தந்தாலும் ஜீலை மாதம் முதல் உற்சாகத்தையும், புதிய திட்டங்களை நிறைவேற்றும் சக்தியையும் தரும்.


Offline Maran

  • Classic Member
  • *
  • Posts: 4255
  • Total likes: 1220
  • Karma: +0/-0
  • Gender: Male
  • I am a daydreamer and a nightthinker
    • Facebook

சிம்மம் - 2015 ஆங்கில புத்தாண்டு பலன்கள்


பண்பாட்டையும், கலாச்சாரத்தையும் மீறாதவர்களே! உங்களுடைய ராசிக்கு 9ஆவது ராசியில் இந்தப் புத்தாண்டு பிறப்பதால் ஓரளவு பணவரவு உண்டு. செலவுகள் கட்டுக்கடங்காமல் போனாலும் அதற்கேற்ப வருமானம் இருக்கும். தன்னம்பிக்கை அதிகமாகும். எதிர்ப்புகளும் குறையும். நல்லவர்களின் நட்பு கிடைக்கும். தந்தையார் உங்களுக்கு பக்கபலமாக இருப்பார். தந்தைவழி சொத்துக்கள் கைக்கு வரும். வீடு வாங்குவதற்கு குறைந்த வட்டியில் கடன் கிடைக்கும்.  உங்களுடைய ராசிக்கு 12-ல் குரு நிற்கும் போது இந்தாண்டு பிறப்பதால் தூக்கம் குறையும். புண்ணிய ஸ்தலங்கள் சென்று வருவீர்கள். எதிர்பாராத செலவுகளால் அவ்வப்போது திணறுவீர்கள்.
 
உறவினர், நண்பர்கள் உங்களுடைய நிலைமையைப் புரிந்துக் கொள்ளாமல் உங்களுக்கு அவ்வப்போது அன்புத்தொல்லை தருவார்கள். கண் பார்வையை பரிசோதித்துக் கொள்வது நல்லது. பல் வலி, முதுகு வலி வந்துப் போகும். வாயுப் பதார்த்தங்களையும், கொழுப்புச் சத்துள்ள உணவுகளையும் தவிர்க்கப்பாருங்கள். ஜீலை மாதத்திலிருந்து உங்கள் ராசிக்குள் குரு நுழைவதால் ஆரோக்யம் குறையும். வேலைச்சுமையும் அதிகமாகும். சில நேரங்களில் அலுத்துக் கொள்வீர்கள். வருங்காலம் பற்றிய கவலைகள் வந்துப் போகும். சிலரை நினைத்து ஆதங்கப்பட்டுக் கொள்வீர்கள். 

இந்தாண்டு முழுக்க சனி 4-ம் வீட்டில் தொடர்வதால் கோபம் அதிகரிக்கும். நல்லவர்களின் நட்பை இழந்துவிடாதீர்கள். மற்றவர்கள் உங்களை தரக்குறைவாகப் பேசினாலும் நீங்கள் அதற்கு பதிலடித் தராமல் இருப்பது நல்லது. பழையப் பிரச்னைகளை சிலர் கிளறுவார்கள்.
 
வழக்கால் நிம்மதி குறையும். சில நேரங்களில் சாட்சிக்காரரை விட சண்டைக்காரரே மேல் என்பதை உணருவீர்கள். சின்ன சின்ன பிரச்னைகளையெல்லாம் பேசி முடிக்கப்பாருங்கள். ஈகோ பிரச்னையால் நீதிமன்றம் செல்ல வேண்டாம். தாயாரின் உடல் நிலை பாதிக்கும். வாகனம் அடிக்கடி செலவு வைக்கும். அலைப்பேசியில் பேசிக் கொண்டு வாகனத்தை இயக்காதீர்கள். சிறுசிறு விபத்துகள் ஏற்படக்கூடும். நெருங்கிய உறவினர்களால் இருந்தாலும் இடைவெளி விட்டு பழகுவது நல்லது.
உங்கள் ராசிநாதன் சூரியன் 5-ம் வீட்டில் நிற்கும் போது இந்தாண்டு பிறப்பதால் பிள்ளைகளை அவர்கள் போக்கிலேயே விட்டுப் பிடிப்பது நல்லது. ஆனால் பாவ கிரகங்களின் பார்வை சூரியன் மீது படாததால் பிள்ளைகளுக்கு அயல்நாட்டு வாய்ப்புகள் வரும்.
 
இந்தப் புத்தாண்டு பிறக்கும் போது சுக்ரன் 6-ல் மறைந்திருப்பதால் கணவன்-மனைவிக்குள் கருத்து வேறுபாடுகள், பிரிவுகள் வரக்கூடும். வீண் சந்தேகத்தாலும், சிலரின் நட்பாலும் உங்களுக்குள் பிரிவுகள் வராமல் பார்த்துக் கொள்ளுங்கள். சின்ன சின்ன பிரச்னைகளையெல்லாம் ஒன்று சேர்த்து வெடித்து சிதற வேண்டாம். மனம் விட்டு பேசி உடனுக்குடன் தீர்த்துக் கொள்வது நல்லது. திடீரென்று அறிமுகமாகுபவர்களை வீட்டிற்கு அழைத்து வராதீர்கள். புதியவர்களை நம்பி பெரிய முடிவுகள் எடுக்க வேண்டாம். பொறுமையாக இருந்து செயல்படுவது நல்லது. ஓட்டுநர் உரிமம், வண்டிக்கு இன்சூரன்சையெல்லாம் புதுப்பிக்க தவறாதீர்கள்.
 
சில நேரங்களில் அபராதத் தொகை கட்ட வேண்டி வரும். மனைவியின் விருப்பமில்லாமல் மனைவிக்கு பிடிக்காதவர்களிடம் பேசிக் கொண்டிருக்க வேண்டாம். உங்கள் ராசிக்கு 6-ம் வீட்டில் செவ்வாய் நிற்கும் போது இந்தப் புத்தாண்டு பிறப்பதால் வீடு, மனை விற்பது, வாங்குவது நல்ல விதத்தில் முடிவடையும். சொத்து பிரச்னைக்கு சுமூக தீர்வு காண்பீர்கள். சகோதரங்கள் பக்கபலமாக இருப்பார்கள். இந்தாண்டு முழுக்க ராகு 2-ம் வீட்டில் தொடர்வதால் வீண் வாக்குவாதங்களை தவிர்க்கப்பாருங்கள். அவ்வப்போது உணர்ச்சிவசப்படுவீர்கள்.
 
சிலருக்கு நல்லது சொல்லப் போய் பொல்லாப்பாக முடிய வாய்ப்பிருக்கிறது. வெளிவட்டாரத்தில் யாரையும் விமர்சிக்க வேண்டாம். காலில் அடிப்பட வாய்ப்பிருக்கிறது. கேதுவும் இந்தாண்டு முழுக்க 8-வது வீட்டிலேயே நீடிப்பதால் கனவுத் தொல்லை அதிகமாகும். பணம் வாங்கித் தருவது, திருமண விஷயத்தில் குறுக்கே நிற்க வேண்டாம். குடும்ப அந்தரங்க விஷயங்கள், கொடுக்கல், வாங்கல் விஷயங்களையெல்லாம் வெளியாட்களிடம் சொல்லிக் கொள்ளாதீர்கள்.
 
வியாபாரத்தில் சந்தை நிலவரத்தை அறிந்து முதலீடு செய்யுங்கள். வேலையாட்களின் ஒத்துழைப்பின்மையால் லாபம் குறையும். ரசாயனம், மருந்து, ரியல் எஸ்டேட் மூலமாக பணம் வரும். பெரிய அளவில் கடன் வாங்கி வியாபாரத்தை விரிவுப்படுத்த வேண்டாம். கூட்டுத் தொழிலையும் தவிர்க்கப்பாருங்கள். இதற்கு முன் கூட்டுத் தொழில் செய்பவர்கள் பங்குதாரர்களை அனுசரித்துப் போவது நல்லது. உத்யோகத்தில் அதிகாரிகளை அரவணைத்துப் போங்கள். சக ஊழியர்களையும் பகைத்துக் கொள்ள வேண்டாம். முக்கிய ஆவணங்களை கவனமாக கையாளுங்கள். முக்கிய ஆவணங்களில் கையெழுத்திடும் போது மூத்த அதிகாரிகளை அல்லது ஓய்வு பெற்ற அதிகாரிகளை கலந்தாலோசிப்பது நல்லது. விரும்பத்தகாத இடமாற்றம் இருக்கும். நேரம் காலம் பார்க்காமல் உழைக்க வேண்டி வரும்.
 
மாணவ-மாணவிகளே! உங்கள் கவனத்தை சிதற விடாதீர்கள். படிப்பில் மட்டும் கவனம் செலுத்துங்கள். தவறான பழக்க வழக்க முள்ளவர்களின் நட்பை தவிர்ப்பது நல்லது. கணிதம், ஆங்கிலப் பாடங்களில் அதிக அக்கறை காட்டுங்கள். கன்னிப் பெண்களே! கோபத்தை குறையுங்கள். எல்லோரும் நல்லவர்கள் என்று நினைத்து ஏமாறாதீர்கள். உயர்கல்வியில் போராடி வெற்றி பெறுவீர்கள். காதலுக்கும், நட்புக்கும் உள்ள வித்யாசத்தை நீங்கள் உணர்ந்துக் கொள்வது நல்லது. திருமணம் தள்ளிப் போய் முடிவடையும். இந்த 2015ம் ஆண்டு உங்களுக்கு ஆரோக்ய குறைவையும், மனநிம்மதியற்றப் போக்கையும், பணத்தட்டுப்பாட்டையும் தந்தாலும் தெய்வ நம்பிக்கையாலும், விடாமுயற்சியாலும், அனுபவ அறிவாலும் ஓரளவு முன்னேற வைக்கும்.


Offline Maran

  • Classic Member
  • *
  • Posts: 4255
  • Total likes: 1220
  • Karma: +0/-0
  • Gender: Male
  • I am a daydreamer and a nightthinker
    • Facebook

மகரம் - 2015 ஆங்கில புத்தாண்டு பலன்கள்


நெருக்கடி நேரத்திலும் அடுத்தவர்களிடம் உதவி கேட்க தயங்குபவர்களே! உங்கள் ராசிநாதன் சனிபகவான் லாப வீட்டில் இந்தாண்டு பிறப்பதால் தைரியம் பிறக்கும். குழப்ப நிலையிலிருந்து விடுபடுவீர்கள். முக்கிய முடிவுகளெல்லாம் எடுப்பீர்கள். வீடு, வாகனம் வாங்குவீர்கள். புதிய வாகனமும் அமையும். மூத்த சகோதர வகையில் உதவிகள் கிடைக்கும். உங்களுடைய தைரிய ஸ்தானத்தில் கேது நிற்பதால் இந்த 2015-ம் ஆண்டில் பெரிய பதவிகள் தேடி வரும். பிரபலங்கள் பாராட்டும்படி நடந்துக் கொள்வீர்கள். விலை உயர்ந்த மின்னணு, மின்சார சாதனங்கள் வாங்குவீர்கள். கோபம் குறையும். சாதுர்யமாகப் பேசி பல காரியங்களையும் முடிப்பீர்கள்.
      உங்களின் யோகாதிபதியான சுக்ரன் உங்கள் ராசியிலேயே அமர்ந்திருக்கும் நேரத்தில் இந்தப் புத்தாண்டு பிறப்பதால் வருடத்தின் தொடக்கமே உங்களுக்கு பரபரப்பாக இருக்கும். புதிய முயற்சிகள் யாவும் வெற்றியடையும். எதிர்பார்த்த பணம் கைக்கு வரும். கணவன்-மனைவிக்குள் அன்யோன்யம் அதிகரிக்கும். புது வீடு, மனை வாங்கும் யோகம் உண்டாகும். சிலர் புது வீடு கட்டி கோலாகலமாக கிரகப் பிரவேசம் செய்வீர்கள். வங்கிக் கடன் உதவியும் கிட்டும். பூர்வீக சொத்து கைக்கு வரும். பெற்றோருடன் இருந்த மனத்தாங்கல் நீங்கும். உங்களின் பாக்யாதிபதியான புதனும், சுக்ரனுடன் சேர்ந்து அமர்ந்திருக்கும் நேரத்தில் இந்தாண்டு பிறப்பதால் தந்தை வழி சொத்துகள் கைக்கு வரும். வெளிநாடு செல்லும் வாய்ப்பு உண்டாகும். அயல்நாட்டிலிருப்பவர்களால் ஆதாயம் உண்டு. உங்களுடைய ராசியிலேயே செவ்வாய் அமர்ந்திருக்கும் போது இந்தப் புத்தாண்டு பிறப்பதால் உடல் உஷ்ணம் அதிகமாகும். வேலைச்சுமையும் கூடும். தூக்கம் குறையும். சகோதர வகையில் ஆரோக்யமான விவாதங்களும், செலவுகளும் இருக்கும்.
      ஜூன் மாதம் வரை உங்கள் ராசியை குரு பார்த்துக் கொண்டிருப்பதால் குழந்தை பாக்யம் உண்டு. நீண்ட நாட்களாக தள்ளிப் போன திருமணம் சீரும், சிறப்புமாக நடைபெறும். மகனுக்கு உயர்கல்வி நீங்கள் எதிர்பார்த்த கல்வி பிரிவில், விரும்பிய நிறுவனத்தில் அமையும். அவருக்கு நல்ல வாழ்க்கைத் துணையும் அமையும். மகளுக்கும் நல்ல வரன் அமையும். பிள்ளைகளால் சமூகத்தில் அந்தஸ்து ஒருபடி உயரும். ஜீலை மாதம் முதல் குரு உங்கள் ராசிக்கு 8-ல் மறைவதால் அலைச்சல் அதிகரிக்கும். செலவுகள் கட்டுக்கடங்காமல் போகும். உத்யோகம் அல்லது உயர்கல்வியின் பொருட்டு பிள்ளைகள் உங்களை விட்டு பிரிவார்கள். எவ்வளவு பணம் வந்தாலும் செலவுகள் இருக்கும். நயமாகப் பேசுபவர்களை நம்பி குடும்ப விஷயங்களையோ, சொந்த விஷயங்களையோ பகிர்ந்துக் கொள்ள வேண்டாம். திடீர் பயணங்கள் உண்டு. ஆன்மிக பயணங்களும் சென்று வருவீர்கள். நீண்ட நாட்களாக செல்ல வேண்டுமென்று நினைத்திருந்த அயல்நாட்டு பயணமும் உண்டு. அண்டை மாநிலப் புண்ணிய ஸ்தலங்களுக்குச் சென்று வருவீர்கள். உங்களுடைய ராசிக்கு 12-ல் வீட்டில் சூரியன் மறைந்திருக்கும் நேரத்தில் இந்தாண்டு பிறப்பதால் திட்டமிட்ட காரியங்கள் கொஞ்சம் தடைப்பட்டு முடிவடையும். குறிப்பாக அரசு காரியங்கள் தள்ளிப் போய் முடியும். அரசியல்வாதிகளுடன் கவனமாகப் பழகுங்கள்.
      ராகு 9-ம் வீட்டில் நிற்பதால் தந்தையாரின் ஆரோக்யத்தில் அக்கறை காட்டுங்கள். அவசர முடிவுகள் வேண்டாம். சில நேரங்களில் சேமிப்புகள் கரையும். பின்னர் பணவரவு உண்டாகும். சொத்து வாங்குவது, நகைகள் வாங்குவது பொருட்டு சேமிப்புகளையெல்லாம் நீங்கள் முதலில் இழக்க நேரிடும். நகை அல்லது நிலம், சொத்தில் முதலீடு செய்வீர்கள். வழக்கில் தீர்ப்பு தள்ளிப் போகும். முக்கிய கோப்புகளை கவனமாக கையாளுங்கள்.
      வியாபாரத்தில் லாபம் அதிகரிக்கும். பழைய வாடிக்கையாளர்கள் தேடி வருவார்கள். ஆட்டோ மொபைல், எலக்ட்ரானிக்ஸ், ஹோட்டல், தங்கும் விடுதி, கன்ஸ்டக்ஷன், ரியல் எஸ்டேட் வகைகளால் லாபம் அதிகரிக்கும். விளம்பர யுக்திகளை கையாண்டு உங்களுடைய நிறுவனத்தை பிரபலமாக்குவீர்கள். போட்டிகளையும் தாண்டி லாபம் ஈட்டுவீர்கள். பங்குதாரர்கள் பணிந்துப் போவார்கள். வேலையாட்கள் மதிப்பார்கள். ஆனால் ஜீலை மாதம் முதல் குரு 8-ல் சென்று மறைவதால் அதுமுதல் போட்டிகள் அதிகமாகும். அவ்வப்போது பணப்பற்றாக்குறை வந்தாலும் சாமர்த்தியமாக சமாளித்து லாபம் ஈட்டுவீர்கள். உத்யோகத்தில் மகிழ்ச்சி உண்டு. உயரதிகாரிகள் உங்களுடைய புது முயற்சிகளை ஆதரிப்பார்கள். சக ஊழியர்கள் மத்தியில் மதிக்கப்படுவீர்கள். சிலருக்கு வேறு நல்ல வாய்ப்புகளும் கூடி வரும். வெளிமாநிலம், வெளிநாட்டு தொடர்புகளும் கிடைக்கும். வெளிநாட்டு தொடர்புடைய நிறுவனங்களிலும் வேலைக் கிடைக்கும். சம்பள பாக்கியும் கைக்கு வரும். ஜீலை மாதத்திலிருந்து குரு 8-ல் மறைவதால் வேலைச்சுமை அதிகமாகும். மூத்த அதிகாரிகளைப் பற்றி சக ஊழியர்கள் மத்தியில் விமர்சிக்க வேண்டாம். சங்கம், இயக்கம் இவற்றில் பெரிய பதவிகள் தேடி வரும். எதிர்பார்த்த இடமாற்றம் ஜீன் மாதத்திற்குள் கிடைக்கும். சம்பள பாக்கியும் கைக்கு வந்து சேரும்.
      மாணவ-மாணவிகளே! அதிக மதிப்பெண் பெறுவீர்கள். சக மாணவர்கள் மத்தியில் செல்வாக்குக் கூடும். நீங்கள் நினைத்த கல்வி நிறுவனத்தில் எதிர்பார்த்த கல்விப் பிரிவில் சேருவீர்கள். வகுப்பாசிரியரின் பாரட்டைப் பெறுவீர்கள்.
 
      கன்னிப் பெண்களே! உங்களுக்கு எல்லா வகையிலும் இந்தப் புத்தாண்டு மகிழ்ச்சியை தருவதாக இருக்கும். காதலும் இனிக்கும். உயர்கல்வியிலும் முன்னேறுவீர்கள். வேலையும் கிடைக்கும். உங்கள் ரசனைக் கேற்ப வரனும் அமையும். அயல்நாடு செல்லும் வாய்ப்பு வரும்.ஆகமொத்தம் இந்த 2015-ம் ஆண்டு அனைத்து வகைகளிலும் உங்களுக்கு முன்னேற்றத்தையும், முற்பகுதியில் உங்களுக்கு அதிரடி வளர்ச்சியையும், பிற்பகுதியில் உங்களுக்கு அலைச்சலுடன் ஆதாயங்களையும் தரக்கூடியதாக இருக்கும்.


Offline Maran

  • Classic Member
  • *
  • Posts: 4255
  • Total likes: 1220
  • Karma: +0/-0
  • Gender: Male
  • I am a daydreamer and a nightthinker
    • Facebook

துலாம் - 2015 ஆங்கில புத்தாண்டு பலன்கள்


கறைபடியாத களங்கமற்ற மனசு கொண்டவர்களே! உங்களுடைய ராசிக்கு 7-வது வீட்டில் இந்தப் புத்தாண்டு பிறப்பதால் மறைந்துக் கிடந்த திறமைகளை வெளிப்படுத்த நல்ல வாய்ப்புகள் கிடைக்கும். மனைவி உங்களைப் புரிந்துக் கொள்ள ஆரம்பிப்பார். உங்களுடைய கடின உழைப்பையும், வெள்ளை மனதையும் இனிமேல் மனைவி புரிந்துக் கொள்வார். உங்களுடைய ராசியை சந்திரன் பார்த்துக் கொண்டேயிருப்பதால் அலர்ஜி, இன்பென்ஷனிலிருந்து விடுபடுவீர்கள். பல நேரங்களில் சோர்வாகவும், களைப்பாகவும் காணப்பட்டீர்களே! அந்த நிலை மாறும். இனி உற்சாகம் பிறக்கும். தைரியமும் கூடும். சவாலான காரியங்களைக் கூட எடுத்து செய்வீர்கள்.
 
உங்கள் ராசிநாதன் சுக்ரன் 4-ம் வீட்டில் அமர்ந்திருப்பதுடன், உங்கள் பாக்யாதிபதியான புதனும் 4-ல் நிற்கும் நேரத்தில் இந்தப் புத்தாண்டு பிறப்பதால் மனதில் ஒரு தெளிவு பிறக்கும். நேர்மறை எண்ணங்கள் அதிகரிக்கும். தடைப்பட்ட காரியங்கள் நல்ல விதத்தில் முடிவடையும். எதிர்பார்த்த பணமும் கைக்கு வரும். கைமாற்றாக வாங்கி விட்டு திருப்பித் தர முடியாமல் திணறினீர்களே! அந்த தொகைகளையும் தந்து உங்களுடைய கௌரவத்தை காப்பாற்றிக் கொள்வீர்கள்.

பிரபலங்கள் அறிமுகமாவார்கள். நட்பு வட்டம் விரிவடையும். உள்மனதில் இருந்து வந்த குழப்பங்களும், தாழ்வுமனப்பான்மையும் நீங்கும். ஜீன் மாதம் வரை உங்களுடைய ராசிக்கு 10-ம் வீட்டிலேயே குரு நிற்பதால் அதுவரை சிறுசிறு அவமானங்களும், மன உளைச்சல்களும், எதிர்காலம் பற்றிய பயமும் இருக்கும். உங்களைப் பற்றி அவ்வப்போது நீங்கள் தாழ்த்திக் கொள்வீர்கள். சிலர் உங்களை குறைத்து மதிப்பிடுவார்கள். செலவுகளும் அதிகமாகும். தவிர்க்க முடியாத பயணங்களாலும் உடல் நிலை பாதிக்கும்.

அரசுக் காரியங்களில் அலட்சியம் வேண்டாம். அரசுக்கு செலுத்த வேண்டிய வரிகளில் உடனுக்குடன் செலுத்துங்கள். சொத்து வரியை மறவாமல் செலுத்துங்கள். உங்கள் சொத்து சம்பந்தப்பட்ட பத்திரங்கள், ஆவணங்களையெல்லாம் பாதுகாப்பாக எடுத்து வையுங்கள். புறநகர் பகுதியில் வீட்டு மனை, காலி மனை வாங்கி வைத்திருப்பவர்கள் அவ்வப்போது சென்று அதை பார்த்து வருவது நல்லது. சிலர் அதை ஆக்ரமிக்கக் கூடும்.
 
ஏழரைச் சனியில் பாதச் சனி உங்களுக்கு நடைபெற்றுக் கொண்டிருப்பதால் நெருங்கிய நண்பர்களாக இருந்தாலும் கணவன்-மனைவிக்குள் இருக்கும் கசப்புணர்வுகளை சொல்லிக் கொண்டிருக்காதீர்கள். பண விஷயத்திலும் கறாராக இருங்கள். மற்றவர்களுக்காக சாட்சி கையப்பமிட வேண்டாம். பல், கண், காது வலி வந்துப் போகும். சிறுசிறு விபத்துகள் வரக்கூடும். லேசாக தலைச்சுற்றல் வரும். வாகனத்தை இயக்கும் போது அலைப்பேசியை தவிர்ப்பது நல்லது. மற்றவர்களை நம்பி பெரிய காரியங்களில் ஈடுபடாதீர்கள். 
 
இந்தாண்டு முழுக்க ராகு 12-ம் வீட்டில் நிற்பதால் தூக்கம் குறையும். திடீர் செலவுகள் வரும். வெளிநாடு செல்லும் வாய்ப்பு வரும். ஆன்மிகத்தில் நாட்டம் அதிகமாகும். 6-ல் கேது நிற்பதால் வழக்குகள் சாதகமாகும். எதிரிகள் அடங்குவார்கள். எதிர்ப்புகள் குறையும். பழைய கடனில் ஒருபகுதியை பைசல் செய்ய வழி, வகைப் பிறக்கும். சமுதாயத்தில் பெரிய பதவியில் இருப்பவர்களின் நட்பு கிடைக்கும். அந்தஸ்து ஒருபடி உயரும். ஷேர் மூலமாக பணம் வரும். போட்டித் தேர்வுகளில் வெற்றி பெறுவீர்கள்.
வியாபாரத்தில் கடையை விரிவுப்படுத்துவீர்கள். பண உதவியும் கிட்டும். பழைய பாக்கிகளை இங்கிதமாகப் பேசி வசூலிப்பீர்கள். வியாபாரம் சம்பந்தப்பட்ட வழக்கில் நல்ல தீர்ப்பு வரும். பங்குதாரர்களுடன் இருந்து வந்த மோதல்கள் விலகும். செல்வாக்குமிக்கவர்கள் பங்குதாரர்களாக வந்து சேருவார்கள்.

ஏற்றுமதி-இறக்குமதி, உணவு, எலக்ட்ரானிக்ஸ், கன்ஸ்டக்ஷன், ரியல் எஸ்டேட் வகைகளால் ஆதாயமடைவீர்கள். புதிய வாடிக்கையாளர்களின் வருகை அதிகரிக்கும். தொந்தரவு தந்த அனுபவமில்ல வேலையாட்களை நீக்கிவிட்டு நல்லவர்களை பணியில் அமர்த்துவீர்கள். ஜீலை மாதத்திலிருந்து பற்று வரவு உயரும். புதுக் கிளைகள் தொடங்குவீர்கள். உத்யோகத்தில் எவ்வளவு தான் உழைத்தாலும் நல்ல பெயர் இருக்காது. உங்களுடைய உழைப்பு மேலதிகாரியின் கவனத்திற்கு செல்லாமலேயே இருக்கும். இடையில் இருக்கும் அதிகாரிகள் உங்களை பகடைக் காயாக உருட்டுவார்கள்.

உங்களிடம் அதிக வேலை வாங்குவார்கள். ஆனால் மூத்த அதிகாரிகள் உங்களிடம் பாசமாக நடந்துக் கொள்வார்கள். ஜீன் மாதம் வரை உத்யோகஸ்தானமான 10-ம் வீட்டிலேயே குருபகவான் நிற்பதால் அதுவரை அலைச்சலும், சின்ன சின்ன அவமானங்களும், வேலை இழப்பும் ஏற்படும். தினந்தோறும் இன்றையதினம் வேலையில் நீடிப்போமோ, நீடிக்க மாட்டோமோ என்ற ஒரு கவலையும், சந்தேகமும் இருந்துக் கொண்டேயிருக்கும். ஜீலை முதல் குரு லாப வீட்டில் நுழைவதால் அதுமுதல் உத்யோகத்தில் நிம்மதி உண்டாகும். தொல்லை கொடுத்து வந்த அதிகாரி மாறுவார். எதிர்பார்த்த இடமாற்றம் கிடைக்கும். சம்பளமும், சலுகைகளும் கிடைக்கும்.
 
மாணவ-மாணவிகளே! ஏழரைச் சனி நடைபெறுவதால் விடைகளை எழுதிப் பாருங்கள். வேதியியல், கணிதப் பாடங்களில் கூடுதல் கவனம் செலுத்துவது நல்லது. சமன்பாடுகள், சூத்திரங்களையெல்லாம் அடிக்கடி சொல்லிப் பார்த்து எழுதிப் பாருங்கள். கெட்ட எண்ணங்களை தவிர்க்கப்பாருங்கள்.கன்னிப் பெண்களே! பெற்றோரை தவறாகப் புரிந்துக் கொள்ளாதீர்கள். சகோதர வகையில் உதவிகள் கிடைக்கும். உயர்கல்வியில் வெற்றி உண்டு. சிலருக்கு அரசு வேலைக் கிடைக்க வாய்ப்பிருக்கிறது. ஜீலை மாதம் முதல் முன்னேற்றம் உண்டு. திருமணம் கூடி வரும்.ஆகமொத்தம் இந்த 2015ம் ஆண்டு முற்பகுதி உங்களுக்கு அலைச்சலையும், எதிர்ப்புகளையும், ஏமாற்றங்களையும் தந்தாலும் ஜீலை முதல் மகிழ்ச்சியையும், பணவரவையும், நிம்மதியையும் தரக் கூடியதாக இருக்கும்.


Offline Maran

  • Classic Member
  • *
  • Posts: 4255
  • Total likes: 1220
  • Karma: +0/-0
  • Gender: Male
  • I am a daydreamer and a nightthinker
    • Facebook

கன்னி - 2015 ஆங்கில புத்தாண்டு பலன்கள்


ஆர்ப்பாட்டம் இல்லாமல் அமைதியாக சாதிப்பவர்களே! 3ஆம் வீட்டில் சனிபகவான் வலுவடைந்து நிற்கும் நேரத்தில் இந்தாண்டு பிறப்பதால் மனோபலம் கூடும். முக்கிய முடிவுகளெல்லாம் தன்னிச்சையாக எடுப்பீர்கள். பெரிய பொறுப்புகளுக்கெல்லாம் தலைமை தாங்குமளவிற்கு உங்களுடைய ஆளுமைத் திறனும் அதிகரிக்கும். திடீர் அதிர்ஷ்ட வாய்ப்புகளும் கூடி வரும். பொது விழாக்கள், திருமணம், சீமந்தம் போன்ற சுப நிகழ்ச்சிகளில் முதல் மரியாதைக் கிடைக்கும். இழுபறியாக இருந்து வந்த வழக்கில் சாதகமான தீர்ப்பு வரும். வாழ்க்கைத் தரம் உயரும். நவீன வாகனம் வாங்குவீர்கள். சிலர் புதுத் தொழில் தொடங்கும் அமைப்பு உருவாகும்.
 
உங்களுடைய ராசிக்கு லாப ஸ்தானத்தில் குரு நிற்கும் போது இந்த ஆங்கிலப் புத்தாண்டு பிறப்பதால் தொட்ட காரியங்கள் துலங்கும். தடைகளெல்லாம் நீங்கும். எதிர்பார்ப்புகள் நல்ல விதத்தில் முடிவடையும். வீடு, மனை வாங்குவீர்கள். சிலர் புது வீடு கட்டி கிரகப் பிரவேசமும் கோலாகலமாக செய்வீர்கள். வாகன வசதியும் பெருகும். எதிர்மறை எண்ணங்கள் விலகும். அரசு காரியங்கள் நல்ல விதத்தில் முடிவடையும். பெரிய பதவிகள், பொறுப்புகள் தேடி வரும். ஷேர் மூலமாகவும் பணம் வரும். படிப்படியாக குடும்ப வருமானமும் உயரும். சிலர் உத்யோகத்தில் இருந்துக் கொண்டே பகுதி நேரமாக வியாபாரம் தொடங்க வாய்ப்பிருக்கிறது.
 
பழைய கடனில் ஒருபகுதியை பைசல் செய்வீர்கள். சொத்துகள் வாங்குவதன் பொருட்டு புது கடன் வாங்குவீர்கள். குறைந்த வட்டிக்கு கடன் கிடைக்கும். பிள்ளைகளால் சமூகத்தில் அந்தஸ்து ஒருபடி உயரும். விலை உயர்ந்த தங்க ஆபரணங்கள் வாங்குவீர்கள். மகளுக்கு திருமணம் முடியும். மகனுக்கும் நல்ல வாழ்க்கைத் துணை அமையும். ஜீலை மாதம் முதல் குரு உங்கள் ராசிக்கு 12-வது வீட்டில் மறைவதால் அநாவசியச் செலவுகள் அதிகமாகும். எதிர்பார்த்த பணம் சற்றே தாமதமாக வந்து சேரும். பயணங்கள் உண்டு.  உங்கள் ராசியிலேயே ராகு நிற்கும் நேரத்தில் இந்தாண்டு பிறப்பதால் தூக்கம் குறையும். கனவுத் தொல்லை அதிகமாகும். சில நேரங்களில் உணர்ச்சிவசப்பட்டு பேசுவீர்கள். வீண் சந்தேகத்தால் நல்லவர்களின் நட்பை இழந்துவிடாதீர்கள்.
 
சிலர் உங்களை தவறாக பேசுவதற்கும், செயல்படுவதற்கும் தூண்டிவிடுவார்கள். அப்படிப்பட்ட தூண்டுதல்களை நீங்கள் தவிர்ப்பது நல்லது. கூடாப்பழக்க வழக்கங்கள் உங்களை தொற்ற வாய்ப்பிருக்கிறது. லாகிரி, வஸ்துக்களை தவிர்க்கப்பாருங்கள். அலர்ஜி, இன்பெக்ஷன் வரக்கூடும். அடிக்கடி சோப்பு, ஷாம்பு, பாடி ஸ்பேர, வாசனை திரவியங்களையெல்லாம் மாற்றிக் கொண்டிருக்க வேண்டாம். உங்களின் யோகாதிபதியான சுக்ரன் 5-ம் வீட்டில் அமர்ந்திருக்கும் போது இந்தப் புத்தாண்டு பிறப்பதால் கணவன்-மனைவிக்குள் நெருக்கம் அதிகரிக்கும். பிரிந்திருந்தவர்கள் ஒன்று சேருவீர்கள். குழந்தை பாக்யமும் கிடைக்கும். மனைவிவழியில் சில உதவிகள் உண்டு. மனைவிக்கு வேலைக் கிடைக்கும். பிதுர்ராஜ்ய சொத்துகள் கைக்கு வந்து சேரும்.
 
பாகப்பிரிவினை நல்ல விதத்தில் முடிவடையும். வீட்டில் கூடுதல் அறை அமைப்பது, கூடுதல் தளம் கட்டுவது போன்ற முயற்சிகள் பலிதமாகும். சமையலறை, படுக்கை அறையை நவீனமாக்குவீர்கள். உயர்தர மின்னணு, மின்சார சாதனங்கள் வாங்குவீர்கள். உங்களுக்கு அழகு, இளமைக் கூடும். எப்போதும் மலர்ந்த முகத்துடன் காணப்படுவீர்கள். உறவினர், நண்பர்கள் வீட்டு விசேஷங்களை முன்னின்று நடத்துவீர்கள். 5-ம் வீட்டிலேயே செவ்வாய் நிற்கும் போது இந்தாண்டு பிறப்பதால் பிள்ளைகளை அவர்கள் போக்கிலேயே விட்டுப் பிடிப்பது நல்லது. உங்களுடைய ஆலோசனைகளை அவர்கள் ஏற்றுக் கொள்வார்கள். அவர்களின் புதிய முயற்சிகளெல்லாம் வெற்றியடையும். அயல்நாடு செல்ல விசா கிடைக்கும். மகனுக்கு அயல்நாட்டில் நிரந்தர குடியிருப்பு உரிமை கிடைக்க வாய்ப்பிருக்கிறது.
 
உங்கள் ராசிக்கு 8-வது ராசியில் இந்தப் புத்தாண்டு பிறப்பதால் தவிர்க்க முடியாத செலவுகள் அதிகமாகிக் கொண்டேப் போகும். அடிக்கடி விவாதங்களும் வரும். சிலர் உங்களை சீண்டிப் பார்ப்பார்கள். உணர்ச்சிவசப்பட்டு பேச வேண்டாம். ஆடம்பரச் செலவுகளை குறைக்கப்பாருங்கள். பெருமைக்காக செலவுகளை இழுத்துப் போட்டுக் கொள்ளாதீர்கள்.இந்தாண்டு முழுக்க கேது 7-ல் நீடிப்பதால் மனைவியுடன் சந்தேகத்தால் பிரச்னைகள் வெடிக்கும். அவருக்கு மாதவிடாய்க் கோளாறு வந்துப் போகும். மனைவிவழி உறவினர்களுடனும் நிதானமாக பேசுவது, பழகுவது நல்லது. சூரியன் சாதகமாக இருப்பதால் புகழ் பெற்ற புண்ணிய ஸ்தலங்கள் சென்று வருவீர்கள்.
 
வியாபாரத்தில் லாபம் உண்டு. 3-ம் வீட்டில் சனி நிற்பதால் தைரியமாக புது முதலீடுகள் செய்வீர்கள். பண உதவிகளும் கிடைக்கும். ஸ்டேஷனரி, கல்விக் கூடங்கள், போடிங், லாஜிங், கண்ஸ்டக்ஷன், டிரேவல் ஏஜன்சி வகைகளால் ஆதாயமடைவீர்கள். வேலையாட்கள் உங்களுக்கு முழு ஒத்துழைப்பு தருவார்கள். பங்குதாரர்கள் சில நேரங்களில் முரண்டு பிடித்தாலும் இறுதியில் உங்களுடைய கருத்துக்களை ஏற்றுக் கொள்வார்கள். வெளிநாட்டு தொடர்பான வியாபாரம் லாபம் தரும். அதாவது ஏற்றுமதி-இறக்குமதி வகைகளால் லாபம் உண்டு. மார்ச், ஏப்ரல் மாதங்களில் சிறுசிறு விபத்துகள், இழப்புகள், ஏமாற்றங்களும் வரக்கூடும். உத்யோகத்தில் உங்கள் கை ஓங்கும். அதிகாரிகள் பக்கபலமாக இருப்பார்கள். அவர்கள் உங்கள் ஆலோசனைகளையும் ஏற்றுக் கொள்வார்கள். சக ஊழியர்களும் உங்கள் வேலைகளைப் பகிர்ந்துக் கொள்வார்கள்.
 
இயக்கம், சங்கம் இவற்றில் பெரிய பொறுப்பு, பதவிகளுக்கு தேர்ந்தெடுக்கப்படுவீர்கள். எதிர்பார்த்த இடமாற்றம் கிட்டும். புது சலுகைகளும் கிடைக்கும். சம்பள பாக்கியும் கைக்கு வரும். உதவி உயர்வு உண்டு. அதிக சம்பளத்துடன் கூடிய வேறு நல்ல வாய்ப்புகளும் வரும்.மாணவ-மாணவிகளே! படிப்பிலும் முன்னேறுவீர்கள். விளையாட்டிலும் வெற்றி பெறுவீர்கள். வகுப்பாசிரியரின் அன்பும், பாராட்டும் கிடைக்கும். மாநில அளவில் அதிக மதிப்பெண் பெறுவீர்கள். கன்னிப் பெண்களே! காதல் விவகாரங்களில் இருந்து வந்த குழப்பங்கள் நீங்கும். நல்லவர்கள் அறிமுகமாவார்கள். பெற்றோரும் உங்களைப் புரிந்துக் கொள்வார்கள். அவர்களுக்கு தகுந்தாற்போல் நீங்களும் கொஞ்சம் வளைந்து வருவீர்கள். வேலைக் கிடைக்கும். உங்கள் ரசனைக் கேற்ப நல்ல வரனும் அமையும். சிலர் அயல்நாடும் செல்வீர்கள்.இந்தப் புத்தாண்டு உங்களை சாதிக்க வைப்பதாகவும், எதிர்பாராத திடீர் யோகங்களையும் தருவதாகவும் அமையும்.


Offline Maran

  • Classic Member
  • *
  • Posts: 4255
  • Total likes: 1220
  • Karma: +0/-0
  • Gender: Male
  • I am a daydreamer and a nightthinker
    • Facebook

கும்பம் - 2015 ஆங்கில புத்தாண்டு பலன்கள்


மற்றவர்களின் பலம் பலவீனம் அறிந்து செயல்படுபவர்களே! உங்களுடைய ராசிக்கு 3-ம் ராசியில் இந்தப் புத்தாண்டு பிறப்பதால் முடங்கியிருந்த நீங்கள் சுறுசுறுப்பாவீர்கள். எதிர்பார்த்த வேலைகள் முடிவடையும். சோம்பல், சலிப்பு, எதிர்மறை எண்ணங்கள் நீங்கும். தைரியம் பிறக்கும். எதிர்பார்த்து ஏமாந்து போன தொகையும் கைக்கு வரும். ஷேர் மூலமாகவும் நீங்கள் ஆதாயமடைவீர்கள். தடுமாற்றங்கள் நீங்கும். எதிர்த்தவர்களும் அடங்குவார்கள். பழைய கடனை பைசல் செய்வதற்கு தீவிரமாக யோசிப்பீர்கள்.
 
உங்களுடைய ராசிக்கு 6-ல் குரு மறைந்திருக்கும் நேரத்தில் இந்தப் புத்தாண்டு பிறப்பதால் கொஞ்சம் பணப்பற்றாக்குறை இருக்கும். சின்ன சின்ன காரியங்களையும் இரண்டு, மூன்று முறை முயன்று முடிக்க வேண்டி வரும். சிலர் உங்களை அவதூறாகப் பேசுவார்கள். சிலர் உங்களுக்கு கோபம் வரும்படி உங்களை சீண்டிப் பார்ப்பார்கள். நீங்கள் கொஞ்சம் பொறுமையாக இருப்பது நல்லது. கடன் பிரச்னை அதிகமாகிறதே என்றெல்லாம் சில நேரம் யோசிப்பீர்கள். ஆனால் ஜீலை மாதம் முதல் குருபகவான் உங்கள் ராசிக்கு 7-ம் வீட்டில் நுழைவதால் குடும்ப வருமானம் உயரும். ஆழ்மனதில் இருந்து வந்த கவலைகள் கொஞ்சம் கொஞ்சமாக நீங்கும். மனநிம்மதியும் உண்டாகும். பிரிந்திருந்த கணவன்-மனைவி ஒன்று சேருவீர்கள். பணவரவு அதிகரிக்கும்.
 
விலகிச் சென்றவர்கள் விரும்பி வந்துப் பேசுவார்கள். புது வேலைக் கிடைக்கும். குழந்தை பாக்யம் கிடைக்கும். பிள்ளைகள் குடும்ப சூழ்நிலையறிந்து பொறுப்பாக நடந்துக் கொள்வார்கள். உறவினர், நண்பர்கள் உங்களைப் புரிந்துக் கொள்வார்கள். தாழ்வுமனப்பான்மை நீங்கும். எதற்கெடுத்தாலும் கோபப்பட்டீர்களே! அந்த நிலை மாறும். மனதில் ஒரு சாந்தமான சூழ்நிலை உருவாகும். அரசாங்கத்தால் ஆதாயம் உண்டாகும். அரசு காரியங்கள் நல்ல விதத்தில் முடியும். வீடு கட்டுவதற்கு ப்ளான் அப்ரூவலாகி வரும். வங்கிக் கடன் உதவியும் கிட்டும்.

ராசிக்கு 8-வது வீட்டில் நிற்பதால் அலைச்சல் ஒருபக்கம் இருந்துக் கொண்டுதான் இருக்கும். திட்டமிடாத பயணங்களும், செலவுகளும் இருக்கும். வேற்றுமொழிப் பேசுபவர்கள், வெளிநாட்டிலிருப்பவர்களிடம் கவனமாகப் பழகுங்கள். வளைதளத்தில் வரக்கூடிய செய்திகளையும், கடிதங்களையும் நம்பி ஏமாறாதீர்கள். 2-ல் கேது நிற்பதால் லேசாக பார்வைக் கோளாறு வரும். கண்ணில் அடிப்படாமல் பார்த்துக் கொள்ளுங்கள். இருசக்கர வாகனத்தை இயக்கும் போது தலைக்கவசம் அணிந்துச் செல்லுங்கள். கண்ணில் பெரிய தூசு விழாமலும் பார்த்துக் கொள்ளுங்கள். கண் எரிச்சல், கண் உருத்தல் இருந்தால் கை வைத்தியம் பார்க்காமல் உடனடியாக மருத்துவரை அணுகுவது நல்லது. அவசரப்பட்டு சிலரிடம் அந்தரங்க விஷயங்களையெல்லாம் சொல்லாதீர்கள்.
     
உங்களுடைய ராசிக்கு 12-வது வீட்டில் சுக்ரன், புதன், செவ்வாய் ஆகிய மூன்று கிரகங்கள் நிற்கும் போது இந்தப் புத்தாண்டு பிறப்பதால் சுபச் செலவுகள் அதிகரிக்கும். சகோதரிக்கு திருமணத்தை சிறப்பாக நடத்துவீர்கள். மகனுக்கு நல்ல நிறுவனத்தில் வேலைக் கிடைக்கும். நட்பு வட்டம் விரிவடையும். பெரிய அந்தஸ்தில் இருப்பவர்கள் அறிமுகமாவார்கள். செவ்வாய் 12-ல் நிற்கும் போது இந்தப் புத்தாண்டு பிறப்பதால் சொத்துகள் வாங்கும் போது தாய்பத்திரத்தை சரி பார்த்து வாங்குவது நல்லது. சொத்துக்களை விற்கும் போதும் ஏமாந்துவிடாதீர்கள். சிலர் சின்ன தொகையை முன்பணமாக கொடுத்துவிட்டு ஆறு மாதம், ஏழு மாதம் கழித்து மீதித் தொகை தராமல் இழுத்தடிக்க வாய்ப்பிருக்கிறது. எனவே கொஞ்சம் கவனமாக செயல்படுங்கள்.
 
வியாபாரத்தில் ஏப்ரல் மாதம் முதல் லாபம் அதிகரிக்கும். ஜீலை மாதம் முதல் புது ஆடர்கள், ஏஜென்சிகள் எடுப்பீர்கள். உங்களுடைய ராசிநாதன் சனிபகவான் 10-ல் நிற்கும் போது இந்தாண்டு பிறப்பதால் வியாபாரத்தை விரிவுப்படுத்துவீர்கள். உதவியும் கிடைக்கும். வெளிமாநிலத்தில், அயல் நாட்டிலிருப்பவர்களுடன் கூட்டு சேர்ந்து விரிவுப்படுத்த வாய்ப்பிருக்கிறது. புகழ் பெற்ற நிறுவனங்களின் ஒத்துழைப்பும் உங்களுக்கு கிடைக்கும். கடையை நல்ல இடத்திற்கு மாற்றுவீர்கள். உத்யோகத்தில் அமைதி உண்டாகும். உயரதிகாரிகள் உங்களை நம்பி சில முக்கிய பொறுப்புகளை ஒப்படைப்பார்கள். ஜீன் மாதத்திலிருந்து நிம்மதி பிறக்கும். இதுநாள் வரைப்பட்ட கஷ்டங்களெல்லாம் நீங்கும். புது சலுகைகளும் கிடைக்கும். புது அதிகாரி உங்களைப் பாராட்டுவார். சிலருக்கு அதிக சம்பளத்துடன் கூடிய நல்ல வேலையும் கிடைக்கும். வருடத்தின் பிற்பகுதியில் உத்யோகத்தில் உங்களுக்கு செல்வாக்குக் கூடும். பெரிய பதவியும், பொறுப்புகளும் தேடி வரும்.
     
மாணவ-மாணவிகளே! படிப்பில் ஆர்வம் பிறக்கும். நினைவாற்றல் அதிகரிக்கும். புது நண்பர்களால் உற்சாகமடைவீர்கள். போட்டித் தேர்வுகளில் வெற்றி பெறுவீர்கள். கன்னிப் பெண்களே! கோபம் குறையும். சமயோஜித புத்தியால் சாதிப்பீர்கள். பொது அறிவை வளர்த்துக் கொள்வீர்கள். வேலைக் கிடைக்கும். நீங்கள் எதிர்பார்த்தபடி நல்ல வரன் அமைந்து திருமணமும் சிறப்பாக முடியும்.

இந்தப் புத்தாண்டு முற்பகுதியில் சிறுசிறு இடையூறுகளை தந்தாலும், மையப்பகுதியில் சந்தோஷத்தையும் பிற்பகுதியில் அதிரடி முன்னேற்றங்களையும் தருவதாக அமையும்.


Offline Maran

  • Classic Member
  • *
  • Posts: 4255
  • Total likes: 1220
  • Karma: +0/-0
  • Gender: Male
  • I am a daydreamer and a nightthinker
    • Facebook

விருச்சிகம் - 2015 ஆங்கில புத்தாண்டு பலன்கள்


மற்றவர்களின் வெற்றிக்காக பாடுபடுபவர்களே! உங்கள் ராசிக்கு 3-ம் வீட்டில் உங்கள் ராசிநாதன் செவ்வாய் உச்சம் பெற்று அமர்ந்திருக்கும் போது இந்தப்புத்தாண்டு பிறப்பதால் புதிய திட்டங்கள் நிறைவேறும். பழைய பிரச்னைகளுக்கும் தீர்வு கிடைக்கும். குழப்பங்கள், தடுமாற்றங்கள் நீங்கும். சகோதரங்கள் பக்கபலமாக இருப்பார்கள். சகோதரியின் திருமணத்தை முன்னின்று நடத்துவீர்கள். ரியல் எஸ்டேட், கண்ஸ்டக்ஷன் வகைகளால் லாபம் வரும். பூர்வீக சொத்துப் பிரச்னைகளை தீர்க்க வழி, வகைப் பிறக்கும்.

ஆனால் 5-ம் வீட்டில் கேது நிற்பதால் பூர்வீக சொத்துப் பராமரிப்புச் செலவுகள் அதிகரிக்கும். பாகப்பிரிவினை தாமதமாக முடியும். சொந்த ஊரில் கோவில் கட்டுவது, ஊருக்கு நல்லது செய்வது, குடிநீர் அமைத்துத் தருவது போன்ற முக்கிய காரியங்களை முன்னின்று நடத்துவீர்கள். மதிப்பு, மரியாதைக் கூடும். பிள்ளைகள் பிடிவாதமாக இருப்பார்கள். சின்ன சின்ன மோதலும் வரும். அவ்வப்போது கனவுத் தொல்லை வந்து நீங்கும். தாய்வழி உறவினர்களுடன் கருத்து வேறுபாடுகள் வரக்கூடும்.
 
சுக்ரனும், புதனும் வருடம் பிறக்கும் போது சாதகமாக இருப்பதால் மனைவிவழியில் உதவிகள் உண்டு. அவருக்கு வேலைக் கிடைக்கவும் வாய்ப்பிருக்கிறது. மகளுக்கு நல்ல வரன் அமையும். ஊரே மெச்சும்படி திருமணம் முடிப்பீர்கள். மகனுக்கும் நல்ல துணை அமையும். புது வாகனம் வாங்குவீர்கள். வீட்டை விரிவுப்படுத்தி கட்டுவது, கூடுதல் தளம் அமைப்பது, கூடுதல் அறை அமைப்பது போன்ற முயற்சிகள் நல்ல விதத்தில் முடியும். சூரியன் சாதகமாக இல்லாததால் அரசுக்கு செலுத்த வேண்டிய வரிகளை உடனுக்குடன் செலுத்தப்பாருங்கள்.
 
ராகு இந்தாண்டு முழுக்க லாப வீட்டில் தொடர்வதால் எதிர்பார்த்த பண உதவி கிடைக்கும். வெளிநாட்டிலிருப்பவர்களால் ஆதாயமடைவீர்கள். உங்களுக்கும் அயல்நாட்டில் வேலைக் கிடைக்க வாய்ப்பிருக்கிறது. வேற்றுமதத்தை சார்ந்தவர்கள் உங்களுக்கு ஆதரவாக இருப்பார்கள். உங்களுடைய ராசியை குருபகவான் பார்த்துக் கொண்டிருக்கும் நேரத்தில் இந்தப் புத்தாண்டு பிறப்பதால் அழகு, ஆரோக்யம் கூடும். அறிவுப்பூர்வமாக யோசிப்பீர்கள். உணர்ச்சிவசப்பட்டு முடிவெடுக்காமல் கொஞ்சம் நிதானித்து எதையும் செய்யத் தொடங்குவீர்கள். உங்களுடைய ராசிக்கு 6-ம் வீட்டில் இந்த புத்தாண்டு பிறப்பதால் பழைய கடனை தீர்க்க வழி பிறக்கும்.
 
நட்பு வட்டம் விரிவடையும். தொட்ட காரியங்கள் துலங்கும். இங்கிதமாகவும், இதமாகவும் பேசி முக்கிய காரியங்களை முடிப்பீர்கள். தைரியமாக சில பெரிய முடிவுகள் எடுப்பீர்கள். சிலருக்கு ஷேர் மூலமாக பணம் வரும். பெரிய பதவிகளும் தேடி வரும். குடும்பத்தில் கணவன்-மனைவிக்குள் அன்யோன்யம் அதிகரிக்கும். பிள்ளை பாக்யம் உண்டாகும். குரு உங்கள் ராசிக்கு 9ம் வீட்டில் ஜீன் மாதம் வரை தொடர்வதால் பணப்புழக்கம் திருப்திகரமாக இருக்கும்.

வீடு, மனை வாங்கும் அமைப்பு உருவாகும். வங்கிக் கடன் உதவியும் கிட்டும். அதிக வட்டிக்கு வாங்கியிருந்த தொகையை குறைந்த வட்டிக்கு பணம் வாங்கி பைசல் செய்வீர்கள். அதிகாரப் பதவியில் இருப்பவர்கள் அறிமுகமாவார்கள். தோல்விமனப்பான்மையிலிருந்து விடுபடுவீர்கள். ஆனால் ஜென்மச் சனி நடைபெற்றுக் கொண்டிருப்பதால் பண விஷயத்தில் கறாராக இருங்கள். மற்றவர்களுக்காக ஜாமீன், கேரண்டர் கையப்பமிட வேண்டாம்.
 
வீண் விவாதங்களை தவிர்க்கப்பாருங்கள். குடும்ப அந்தரங்க விஷயங்களை வெளியாட்களிடம் சொல்லிக் கொண்டிருக்காதீர்கள். ஆரோக்யத்தில் அக்கறை காட்டுங்கள். நடைப்பயிற்சி மேற்கொள்வது நல்லது. மறதியால் செல்போன், விலை உயர்ந்தப் பொருட்களை இழந்துவிடாதீர்கள். திருட்டு பயம் உண்டாகும். குடும்பத்தினருடன் வெளியூருக்கு செல்லும் போதும் நகை, ரொக்கங்களை பத்திரப்படுத்திவிட்டு செல்வது நல்லது. ஏழரைச் சனியில் ஜென்மச் சனி நடைபெற்றுக் கொண்டிருப்பதால் வயிற்றுக் கோளாறு, நெஞ்சு வலி, நீரிழிவு நோய் வரக்கூடும். உணவுக் கட்டுப்பாடு தேவைப்படுகிறது. லாகிரி வஸ்துக்களை தவிர்க்கப்பாருங்கள். இலவசமாக சில கூடாப்பழக்க வழக்கங்கள் உங்களை தொற்ற வாய்ப்பிருக்கிறது. 
 
வியாபாரத்தில் அதிரடியான திட்டங்கள் தீட்டுவீர்கள். சந்தை நிலவரத்தை அறிந்துக் கொண்டு அதற்கேற்ப சில சீர்த்திருத்தங்களை செய்வீர்கள். கமிஷன், புரோக்கரேஜ், மருந்து, உணவு வகைகளால் லாபம் அதிகரிக்கும். ஜீன் மாதம் வரை குரு நன்றாக இருப்பதால் புது வாடிக்கையாளர்கள் வருவார்கள். ரெட்டிப்பு லாபம் உண்டு. வேலையாட்கள் உங்களைப் புரிந்துக் கொள்வார்கள்.

ஆனால் ஜீலை மாதம் முதல் குரு சாதகமாக இல்லாததால் பெரிய முதலீடுகள் வேண்டாம். புதிய பங்குதாரர்களை சேர்க்க வேண்டாம். திடீரென்று அறிமுகமாகி சில சலுகைத் திட்டங்களை நம்பி பெரிய முதலீடுகள் செய்ய வேண்டாம். ஏழரைச் சனி நடைபெறுவதால் வியாபார ரகசியங்கள் கசியாமல் பார்த்துக் கொள்ளுங்கள். உத்யோகத்தில் உங்கள் கை ஓங்கும். அதிகாரிகள் உங்களுக்கு முக்கியத்துவம் தருவார்கள். சக ஊழியர்கள் ஆதரவாகப் பேசுவார்கள்.
 
புது சலுகைகள் கிடைக்கும். ஏப்ரல், மே மாதங்களில் பதவி உயர்வு, சம்பள உயர்வை எதிர்பார்க்கலாம். ஆனால் ஜீலை மாதத்திலிருந்து குரு 10-ல் நுழைவதால் இடமாற்றமும், அதிகாரிகளுடன் மோதல்களும், சின்ன சின்ன மரியாதைக் குறைவான சம்பவங்களும் வந்துப் போகும். உங்களை விட வயதில் குறைந்த, அனுபவத்தில் குறைவானவர்களுக்கு கீழ் நீங்கள் வேலைப் பார்க்க வேண்டி வரும். ஜீலை மாதம் முதல் உத்யோகத்தில் விட்டுக் கொடுத்துப் போக வேண்டிய சூழ்நிலை உருவாகும்.மாணவ-மாணவிகளே!
 
ஏழரைச் சனி நடைபெறுவதால் படிப்பில் கூடுதல் கவனம் செலுத்துங்கள். கோபப்படாதீர்கள். கடைசி வரிசையில் உட்கார வேண்டாம். முதல் வரிசைக்கு முன்னேறுங்கள். வகுப்பாசியர் கூறும் ஆலோசனைகளை ஏற்றுக் கொள்வது நல்லது. எதிர்பார்த்தபடி மதிப்பெண் பெற்று விரும்பிய நிறுவனத்தில் உயர்கல்வி மேற்கொள்வீர்கள். கன்னிப் பெண்களே! நீண்ட நாள் ஆசை நிறைவேறும். நல்ல வேலைக் கிடைக்கும். உயர்கல்வியில் முன்னேற்றம் உண்டு. ஏழரைச் சனி நடைபெறுவதால் காதல் விவகாரத்தில் சிக்கிக் கொள்ளாதீர்கள். போலியான பேச்சில் ஏமாந்துவிடாதீர்கள். இந்தப் புத்தாண்டு அவ்வப்போது உங்களை ஆழம்பார்த்தாலும், கடின உழைப்பாலும் தொலைநோக்குப் பார்வையாலும் வெற்றியடையச் செய்யும்.


Offline Maran

  • Classic Member
  • *
  • Posts: 4255
  • Total likes: 1220
  • Karma: +0/-0
  • Gender: Male
  • I am a daydreamer and a nightthinker
    • Facebook

மீனம் - 2015 ஆங்கில புத்தாண்டு பலன்கள்


சச்சரவுகளுடன் வருபவர்களை சமாதானப்படுத்துபவர்களே! உங்களுடைய ராசிக்கு 2-வது ராசியில் இந்த 2015-ம் ஆண்டு பிறப்பதால் பணப்பற்றாக்குறை நீங்கும். அடுத்தடுத்து பணவரவு உண்டு. எதிர்பார்ப்புகள் நிறைவேறும். வி.ஐ.பிகள் ஆதரவாக இருப்பார்கள். பக்குவமாகப் பேசி பல முக்கிய காரியங்களையெல்லாம் முடிப்பீர்கள். முகம் மலரும். சோர்வு நீங்கும். கடந்த காலத்தில் நல்ல வாய்ப்புகள் வந்தும் பயன்படுத்தாமல் விட்டுவிட்டீர்களே! இப்போது வரும் நல்ல வாய்ப்புகளையெல்லாம் சரியாகப் பயன்படுத்தி முன்னேறுவீர்கள். உங்களுடைய ராசிநாதன் குருபகவான் 5-ம் வீட்டில் உச்சம் பெற்றிருக்கும் நேரத்தில் இந்தாண்டு பிறப்பதால் எதிலும் மகிழ்ச்சி உண்டாகும். பிள்ளைகளால் நிம்மதி உண்டு. குழந்தை பாக்யம் கிட்டும். பூர்வீக சொத்து பங்கை கேட்டு வாங்குவீர்கள். கணவன்-மனைவிக்குள் இருந்து வந்த கசப்புணர்வுகள் நீங்கும்.
 
 உங்கள் இருவருக்குமிடையே பிரச்னைகளை ஏற்படுத்தியவர்களை இனம் கண்டறிந்து ஒதுக்குவீர்கள். ஆனால் ஜீலை மாதம் முதல் குருபகவான் 6-ல் சென்று மறைவதால் வரவுக்கு மிஞ்சிய செலவுகள் இருக்கும். ஆடம்பரச் செலவுகள் வேண்டாம். அநாவசியப் பேச்சுகளையும் நீங்கள் குறைப்பது நல்லது. சிலர் உங்களுடைய நடவடிக்கைகளை வேவு பார்க்கக் கூடும். சட்டத்திற்கு புறம்பான வகையில் எந்த முயற்சியும் வேண்டாம். பிரபலங்களுடன் சின்ன சின்ன மோதல் வரும். ஜீலை மாதம் முதல் நீங்கள் நாவடக்கத்துடன் செயல்படுவது நல்லது. உங்களிடமிருக்கும் ரகசியங்களை வெளியிட வேண்டாம். ஆரோக்யத்திலும் அக்கறை காட்டுங்கள். மஞ்சள் காமாலை வரக்கூடும். சிறுசிறு வாகன விபத்துகளும் நிகழக்கூடும். காசோலை தருவதற்கு முன்பாக வங்கி சேமிப்பு கணக்கில் இருப்பு எவ்வளவு இருக்கிறது என சரி பார்த்து தருவது நல்லது. யாருக்கும் அநாவசியமாக உறுதிமொழி தர வேண்டாம்.
 
      உங்களுடைய ராசியிலேயே கேது அமர்ந்திருக்கும் போது இந்தப் புத்தாண்டு பிறப்பதால் வேலைச்சுமை அதிகமாகிக் கொண்டேப் போகும். படபடப்பு இருக்கும். சில நேரங்களில் சிலரை நினைத்து கோபப்படுவீர்கள். சுற்றியிருப்பவர்களில் யாருமே உண்மையாக நடந்துக் கொள்ளவில்லையென ஆதங்கப்படுவீர்கள். லேசாக தலைச்சுற்றல், உடல் உஷ்ணத்தால் வயிற்று வலி வந்துப் போகும். ஆன்மிகத்தில் நாட்டம் அதிகரிக்கும். உங்களுடைய ராசிக்கு 7-வது வீட்டில் ராகு நிற்பதால் கணவன்-மனைவிக்குள் சில நேரங்களில் கடுமையான வாங்குவாதங்கள் வரும். பின்னர் சரியாகும். மனைவிக்கு மாதவிடாய் தள்ளிப் போகும். தைராய்டு இருக்கிறதா என பரிசோதித்துப் பார்த்துக் கொள்வது நல்லது. புதிய நண்பர்களிடம் கவனமாக இருங்கள். உங்களுடைய நெருங்கிய நண்பர்களை ஜீலை மாதத்திலிருந்து யாருக்கும் அறிமுகம் செய்து வைக்க வேண்டாம்.
 
      உங்களுடைய ராசிக்கு சனிபகவான் 9-ம் வீட்டில் நிற்பதால் தந்தையாருக்கு சிறுசிறு அறுவை சிகிச்சையும், ஆரோக்ய குறைவும் உண்டாகும். அவருடன் மனஸ்தாபமும் வரக்கூடும். உங்களுடைய ராசிக்கு 10-ம் வீட்டில் சூரியன் நிற்கும் போது இந்தப் புத்தாண்டு பிறப்பதால் உங்களுடைய ஆளுமைத் திறன் அதிகரிக்கும். அரசால் அனுகூலம் உண்டு. வேலைக்கு விண்ணப்பித்து காத்திருந்தவர்களுக்கு நல்ல நிறுவனத்திலிருந்து அழைப்பு வரும். பழைய கடனில் ஒரு பகுதி பைசலாகும். வருடம் பிறக்கும் போது உங்களுடைய ராசிக்கு லாப வீட்டில் சுக்ரன், புதன், செவ்வாய் ஆகிய மூன்று கிரகங்களும் நிற்பதால் ஷேர் மூலம் பணம் வரும். சேமிப்புகளும் உண்டு. ஒரு சொத்தை விற்று மற்றொரு சொத்து வாங்குவீர்கள். மூத்த சகோதரங்கள் ஆதரவாக இருப்பார்கள். சிலர் புதுத் தொழில் தொடங்குவீர்கள்.
 
      வியாபாரத்தில் அதிரடி மாற்றம் செய்வீர்கள். வேலையாட்கள் உதவிகரமாக இருப்பார்கள். ஒத்துழைக்காத பங்குதாரர்களை நீக்கி விட்டு புதிய பங்குதாரரை சேர்ப்பீர்கள். செல்வாக்குள்ள பங்குதாரர்களை சேர்க்க வாய்ப்பிருக்கிறது. கமிஷன், புரோக்கரேஜ், ரியல் எஸ்டேட், மருந்து, பெட்ரோ-கெமிக்கல், ஸ்டேஷனரி, எலக்ட்ரானிக்ஸ் சாதனங்களாலும் லாபம் அதிகரிக்கும். புது இடத்திற்கு கடையை மாற்றுவீர்கள். புது யுக்திகளை கையாண்டு லாபம் ஈட்டுவீர்கள். உத்யோகத்தில் செல்வாக்குக் கூடும். அதிகாரிகள் ஆதரவாக இருப்பார்கள். சக ஊழியர்கள் உங்களை நம்பி முக்கிய பொறுப்புகளை ஒப்படைப்பார்கள். சக ஊழியர்களுக்காக நீங்களும் மூத்த அதிகாரிகளிடம் வாதாடி சில முக்கிய சலுகைகளை பெற்றுத் தருவீர்கள். புது பதவிகள், பொறுப்புகளுக்கு தேர்ந்தெடுக்கப்படுவீர்கள். சம்பள பாக்கி கைக்கு வரும். உங்கள் கருத்திற்கு ஆதரவுப் பெருகும்.
     
மாணவ-மாணவிகளே! படிப்பில் மட்டுமல்லாமல் விளையாட்டிலும் கலந்துக் கொண்டு வெற்றி பெறுவீர்கள். ஓவியம், இசைப் போட்டிகளிலும் கலந்துக் கொண்டு முன்னேறுவீர்கள். புது சலுகைகளும் கிடைக்கும். சிலர் மாநில அளவில் அதிக மதிப்பெண்கள் பெற்று தேர்ச்சி பெறவும் வாய்ப்பிருக்கிறது. நீங்கள் எதிர்பார்த்த கல்வி நிறுவனத்தில் அட்மிஷனும் கிடைக்கும். கன்னிப் பெண்களே! உங்களுக்கு இருந்து வந்த சோம்பல், சலிப்பு நீங்கி உற்சாகமடைவீர்கள். சாதிக்க வேண்டுமென்ற எண்ணம் வரும். உயர்கல்வி நன்கு அமையும். கோபம் குறையும். பெற்றோர் சொல்வதில் நியாயம் இருக்கிறது என்பதையும் உணருவீர்கள். நல்ல வரன் அமையும். ஆகமொத்தம் இந்த வருடம் தொடக்கம் முதலே வெற்றியை தரக்கூடியதாகவும் ஜீலை மாதம் முதல் கொஞ்சம் அலைச்சலையும், செலவினங்களையும் தருவதாக அமையும்.


Tags: