மரணத்தின் காதலன்

[இளஞ்செழியன்]

ஆசைகளை துறக்கும்
பேராசையுடனே வாழ்ந்து
மரணித்துப் போகிறார்கள் புத்தர்கள்...

வாழ்வை நேசிப்பது போலவே
மரணத்தையும் நேசியுங்கள்
என உபதேசம் செய்கிறான்
யாரோ ஒருவன்.
 
ஜனனம் கொண்ட ஒவ்வொரு உயிரும்
மரணத்தை சுவைத்தே தீரும்
என்னும் வேதவசனத்தை
செவியுற்றே நகர்கின்றது நாட்களும்.
 
விரண்டோடினாலும்,
பயத்தின் கரங்கள் சூழ 
நம்மை கபளீகரம் செய்திடப்போகும்
ஒரு நாளுக்காக
நாய்க்குட்டி போல நம்மை
பின்தொடர்ந்து கொண்டே இருக்கிறது
மரணம்

நீங்கள் முன் சென்றுவிட்டிர்கள்
நாங்கள் பின்னே வருபவர்களாக இருக்கின்றோம்
என்னும் பிரார்த்தனை பழக்கப்பட்டதின் கோடியில் ஒன்றாய் கூட
பழக்கப்பட்டு விடுவதாயில்லை மரணம் பயம்.

வாழ்ந்திடும் ஆசையென்பதைத்
தாண்டி நாய்க்குட்டி போல
மரணமொன்றும்  அத்தனை சாதுவாக
இருந்திட வாய்ப்பேயில்லை.

ஆனாலும்
உனக்கென் இருப்பின் தேவைகள்
அற்றுப்போகும் தினமொன்றில் 
நேசிப்புக்கு உரியதாகிப்போகிறது மரணம்.

பற்றற்று போதலின் பற்றை
பயங்கள் போர்த்திக்கொள்கிறது.

இறைநினைப்பில் ஊறும்
கண்ணீர் துளிகளில் துளிர்த்துப் படர்ந்து
உனக்கான பிரார்தனைகளில்
உயிர்த்தே இருக்கிறது நேசம்.

பற்றற்று போய்விடுதல் என்பது 
சாத்தியப் படுவதேயில்லை....

[joker]

பற்றற்று இருப்பது இயலாது

மனிதன்
மண்,பெண்,பொன்,
குடும்பம் என ஏதோ ஒன்றின் மேல்
பற்று கொண்டிருக்கிறான்

பற்றற்று இருக்க விரும்பும்
அடியார்களும்
இறைவன் மேல்
பற்று கொண்டே இருக்கிறார்கள்

எல்லாவற்றையும் விரும்பும்
மனிதன்
விரும்பாத ஒன்று
மரணம்

அதையும் விரும்ப தொடங்கும்
நேரம்
கொடுமையிலும் கொடுமை



வாழ்த்துக்கள் இளஞ்செழியன்