இஞ்சி துவையல்

[ஸ்ருதி]

இஞ்சி துவையல்


காலப் போக்கில் நாம் மறந்து போன உணவு வகைகளில் இதுவும் ஒன்று. ஜீரணத்திற்கு மிகவும் உகந்த எளிமையான பக்க உணவு.

   
தேவையான பொருட்கள்


   

• 6 " இஞ்சி துண்டு
• உளுத்தம் பருப்பு ஒரு கப் (சிறியது)
• புளி - ஒரு கொட்டை பாக்கு அளவு
• காய்ந்த மிளகாய்  2
• உப்பு தேவையான அளவு
• பெருங்காயம் சிறிதளவு
• எண்ணெய் -வதக்குவதற்கு

செய்முறை


   

• வாணலியில் சிறிது எண்ணெய் ஊற்றி உளுத்தம் பருப்பை லேசாக சிவக்கும் படி வறுக்கவும்.
• பிறகு காய்ந்த மிளகாயையும் பெருங்காயத்தையும் போட்டு லேசாக வறுத்துக் கொள்ளவும்.
• பிறகு இஞ்சியை சிறு சிறு துண்டுகளாக நறுக்கிக், அதையும் நன்கு வறுத்துக் கொள்ளவும்.
• சூடு ஆறிய பிறகு வறுத்த பொருட்களுடன் உப்பு புளி சேர்த்து மிக்ஸியில் நற நற வென்று அரைக்கவும்.

குறிப்பு:

 இதை
சாதத்துடன் பிசைந்து சாப்பிடவோ அல்லது மோர் சாதத்திற்குத் தொட்டுக்
கொள்ளவோ மிகவும் நன்றாக இருக்கும். அதிக காரம் சாப்பிடாதவர்கள் சிறிது
தேங்காயும் வறுத்து சேர்த்து அரைத்துக் கொள்ளலாம்.