Special Category > ஜோதிடம்

2015 மார்ச் மாத எண் ஜோதிடப் பலன்கள்

<< < (2/2)

Maran:


மார்ச் மாத எண் ஜோதிடப் பலன்கள் - 6, 15, 24


6, 15, 24 ஆகிய தேதிகளில் பிறந்த உங்களுக்கு இந்த மாதத்தில் உடல் ஆரோக்யம் திருப்திகரமாக இருக்கும். முன்கோபம்,  வாக்குவாதங்கள்,  அலுப்பு,  சலிப்பு,  வெறுப்பு நீங்கும்.

அரசு சம்பந்தப்பட்ட காரியங்களில் இருந்து வந்த இழுபறி நிலை மாறும். அரசால் ஆதாயம் உண்டு. ஆனால் கண்,  பல் வலி வரக்கூடும். சில காரியங்களை இரண்டு,  மூன்று முறை முயன்று முடிக்க வேண்டி வரும். ஒரு விஷயத்தை செய்வதென்றால் அது முடியாவிட்டால் அடுத்தது என்ன செய்யலாம் என்று முன்னரே யோசித்து செய்வது நல்லது. மாதத்தின் மையப்பகுதி முதல் மனதிலே ஒரு தெளிவு,  முகமலர்ச்சி,  அழகு,  ஆற்றல்,  உற்சாகம் அதிகரிக்கும். கல்யாணப் பேச்சு வார்த்தை சுமூகமாக முடியும்.

வாகனம் புதிதாக வாங்குவீர்கள். பழுதான டி.வி.,  ப்ரிட்ஜ்,  ஓவனை மாற்றுவீர்கள். பணம் வரும். கைமாற்றாக வாங்கியிருந்த பணத்தையும் தந்து முடிப்பீர்கள். தொண்டை வலி,  தொண்டை புகைச்சலும் அவ்வப்போது வரக்கூடும். மூத்த சகோதரங்கள் உதவிகரமாக இருப்பார்கள். ஆனால் இளைய சகோதர வகையில் செலவினங்கள் வந்துப் போகும்.

அரசியல்வாதிகளே! சகாக்கள் மத்தியில் மதிக்கப்படுவீர்கள். கன்னிப் பெண்களே! வருங்காலம் குறித்து சில முக்கிய முடிவுகள் எடுப்பீர்கள். வியாபாரத்தில் சந்தை நிலவரம் அறிந்து லாபத்தை பெருக்குவீர்கள். வேலையாட்கள்,  பங்குதாரர்களின் தவறைச் சுட்டிக் காட்டித் திருத்துவீர்கள். உத்யோகத்தில் அதிகாரிகள் உங்களைப் புரிந்துக் கொண்டு வலிய வந்து உதவுவார்கள். சக ஊழியர்கள் உங்கள் வேலைகளை பகிர்ந்துக் கொள்வார்கள். கலைத்துறையினர்களே! வசதி,  வாய்ப்புகள் பெருகும். சமயோஜித புத்தியால் சாதிக்கும் மாதமிது. 
 
அதிஷ்ட தேதிகள்:4, 6, 5
அதிஷ்ட எண்கள்:3, 9
அதிஷ்ட நிறங்கள்:மஞ்சள், பிங்க்
அதிஷ்ட கிழமைகள்:வெள்ளி, சனி

Maran:


மார்ச் மாத எண் ஜோதிடப் பலன்கள் - 7, 16, 25


7, 16, 25 ஆகிய தேதிகளில் பிறந்த உங்களுக்கு இந்த மாதத்தில் எதிர்பார்த்த வகையில் பணம் வரும். கறாராகப் பேசி பல காரியங்களை முடிப்பீர்கள்.

சொத்து சம்பந்தப்பட்ட வழக்கில் சாதகமாக தீர்ப்பு வரும். வீடு,  மனை வாங்குவது விற்பது சுலபமாக முடியும். சகோதர ஒற்றுமை பலப்படும். மாதத்தின் பிற்பகுதியிலிருந்து கண் எரிச்சல்,  முன்கோபம்,  வாக்குவாதங்கள்,  செரிமானக் கோளாறு வந்துப் போகும். எதிர்மறை எண்ணங்களுடன் பேசுபவர்களின் நட்பை தவிர்ப்பது நல்லது.

வேலைச்சுமை,  கனவுத் தொல்லை இருக்கும். நீண்ட நாட்களாக பழகிய நண்பர்களுடன் கூட கருத்து மோதல்கள் வரக்கூடும். தொண்டை புகைச்சல் வரும். ஆனால் வீடு கட்ட ப்ளான் அப்ரூவலாகி வரும். பழைய பிரச்னைகளுக்கு தீர்வு கிடைக்கும். ஆனால் வரவுக்கு மிஞ்சிய செலவுகள் இருக்கும். அரசியல்வாதிகளே! அநாவசியமாக யாருக்காகவும் எந்த உறுதி மொழியும் தர வேண்டாம்.

கன்னிப் பெண்களே! நீண்ட நாள் ஆசைகள் நிறைவேறும். வியாபாரத்தில் கொஞ்சம் ஏற்ற இறக்கங்கள் இருக்கத்தான் செய்யும். வேலையாட்கள் அவ்வப்போது விடுப்பில் செல்வார்கள். வாடிக்கையாளர்களால் பிரச்னைகள் வந்துப் போகும். உத்யோகத்தில் உயரதிகாரி சில சூட்சுமங்களை சொல்லித் தருவார். சக ஊழியர்களுடன் விட்டுக் கொடுத்துப் போங்கள். கலைத்துறையினர்களே! புதிய நிறுவனங்கள் உங்களை அழைத்துப் பேசும். சிக்கனமும்,  சகிப்புத் தன்மையும் தேவைப்படும் மாதமிது.
 
அதிஷ்ட தேதிகள்:7, 11, 15
அதிஷ்ட எண்கள்:3, 6
அதிஷ்ட நிறங்கள்:அடர் நீலம், வெள்ளை
அதிஷ்ட கிழமைகள்:திங்கள், புதன்

Maran:


மார்ச் மாத எண் ஜோதிடப் பலன்கள் - 8, 17, 26


8, 17, 26 ஆகிய தேதிகளில் பிறந்த நீங்கள்,  உங்களுக்கு இந்த மாதத்தில் தைரியமாக சில பெரிய முடிவுகள் எடுக்கலாம்.

சிலர் கொஞ்சம் கடன்பட்டு வீடு,  மனை வாங்குவீர்கள். மாதாமாதம் லோன் பெரிய தொகை கட்ட வேண்டி வருகிறதே என்றெல்லாம் கலங்க வேண்டாம். அதற்கான வழி வகைகள் பிறக்கும். கல்யாணப் பேச்சு வார்த்தை சாதகமாக முடியும். சகோதரங்களின் மனசு மாறும். புது வாகனம் வாங்குவீர்கள். செலவினங்கள் கூடிக்கொண்டேப் போகும். சில நேரங்களில் எதிர்காலத்தை நினைத்து சின்ன சின்ன பயம் வரும்.

குடும்ப அந்தரங்க விஷயங்களை வெளியில் சொல்லிக் கொண்டிருக்க வேண்டாம். விலை உயர்ந்தப் பொருட்கள் காணாமல் போகக்கூடும். குடும்பத்தினருடன் வெளியூர் செல்லும் போது ஆபரணங்களை பாதுக்காப்பான இடத்தில் வைப்பது நல்லது. களவுப் போக வாய்ப்பிருக்கிறது. வெளிவட்டாரத்தில் புகழ்,  கௌரவம் ஒருபடி உயரும்.

அரசியல்வாதிகளே! பரபரப்புடன் காணப்படுவீர்கள். கன்னிப் பெண்களே! தவறான எண்ணங்களுடன் பழகியவர்களை ஒதுக்கித் தள்ளுவீர்கள். வியாபாரத்தில் வெளிநாட்டு நிறுவனங்களுடன் ஒப்பந்தம் செய்வீர்கள். சந்தையில் மதிக்கப்படுவீர்கள். வேலையாட்கள் விசுவாசமாக நடந்துக் கொள்வார்கள். உத்யோகத்தில் மேலதிகாரிகள் உங்களை கலந்தாலோசித்து சில முக்கிய முடிவுகள் எடுப்பார்கள். சக ஊழியர்களின் சம்பள உயர்விற்காக போராடுவீர்கள்.

கலைத்துறையினர்களே! வேற்றுமொழி வாய்ப்புகளால் புகழடைவீர்கள். சுபச் செலவுகளும்,  திடீர் பயணங்களும் அதிகரிக்கும் மாதமிது.
 
அதிஷ்ட தேதிகள்:8, 14, 15
அதிஷ்ட எண்கள்:4, 7
அதிஷ்ட நிறங்கள்:அடர்நீலம், இளம்சிவப்பு
அதிஷ்ட கிழமைகள்:ஞாயிறு, வியாழன்

Maran:


மார்ச் மாத எண் ஜோதிடப் பலன்கள் - 9, 18, 27


9, 18, 27 ஆகிய தேதிகளில் பிறந்த நீங்கள் இந்த மாதத்தில் எங்குச் சென்றாலும் உங்கள் வார்த்தைக்கு மதிப்புக் கூடும்.

வீட்டில் இருப்பவர்களும் உங்கள் ஆலோசனையை ஏற்றுக் கொள்வார்கள். புது வேலைக் கிடைக்கும். அரசு காரியங்கள் விரைந்து முடியும். ஆனால் தந்தைக்கு மருத்துவச் செலவுகள் வரும். தந்தைவழி சொத்தைப் பெறுவதில் சிக்கல்கள்,  தடைகள் வந்துப் போகும். பழைய வாகனத்தை விற்று புதுசு வாங்குவீர்கள். ஓரளவு பணப்புழக்கம் இருக்கும் என்றாலும் பழைய கடனை நினைத்து அவ்வப்போது குழம்புவீர்கள்.

திடீர் திடீரென்று ஒருவித மனோபயம் வந்துப் போகும். வாழ்க்கையில் வெற்றி பெற முடியுமோ,  முடியாதோ என்றெல்லாம் சில நேரங்களில் சங்கடப்படுவீர்கள். மாதத்தில் மையப்பகுதியிலிருந்து வேற்றுமொழிப் பேசுபவர்களால் ஆதாயமடைவீர்கள். அயல்நாட்டிலிருப்பவர்களாலும் உதவிகள் கிடைக்கும். வி.ஐ.பிகள் நண்பர்களாவார்கள். அவ்வப்போது பூர்வீக சொத்துப் பிரச்னைகள் விஸ்வரூபமெடுக்கும்.

எதுவாக இருந்தாலும் பேசி தீர்ப்பது நல்லது. அவசர முடிவுகளை தவிர்க்கப்பாருங்கள். சகோதரங்களுடன் அவ்வப்போது மனவருத்தம் வந்துப் போகும். வீண் விவாதங்கள்,  விமர்சனங்கள் வரும். அவற்றையெல்லாம் பொருட்படுத்தாமல் இருப்பது நல்லது. அரசியல்வாதிகளே! பொது விழாக்களுக்கு தலைமைத் தாங்குவீர்கள்.

கன்னிப் பெண்களே! ஆடை,  ஆபரணம் சேரும். புதியவர்கள் நண்பர்களாவார்கள். வியாபாரத்தில் சில நுணுக்கங்களை கற்றுக் கொள்வீர்கள். வேலையாட்களிடம் கறாராக இருங்கள். சொந்த கடை வாங்க முயற்சி செய்வீர்கள். உத்யோகத்தில் சூழ்ச்சிகளை முறியடித்து வெற்றிப் பெறுவீர்கள். கலைத்துறையினர்களே! உங்களின் கடுமையான உழைப்பிற்கு ஏற்ற பலன் கிடைக்கும். பழைய பிரச்னைகள் தீரும் மாதமிது.

அதிஷ்ட தேதிகள்:9, 1, 6
அதிஷ்ட எண்கள்:1, 5
அதிஷ்ட நிறங்கள்:ப்ரவுன், ஆலிவ்பச்சை
அதிஷ்ட கிழமைகள்:செவ்வாய், சனி

Navigation

[0] Message Index

[*] Previous page