ஓவியம் உயிராகிறது ( படம் பார்த்து கவிதை கிறுக்கு ..)
நண்பர்கள் கவனத்திற்கு ....
சொந்த ஆக்கமும் ஊக்கமும் கொண்ட உங்களுக்காக உங்கள் சிந்தனை திறனை வளர்ப்பதற்கும் உங்கள் கற்பனைகளை மெருகூட்டுவதர்க்கும் ஏதுவாக உங்களுக்காக இந்த களம் அமைக்கப்பட்டு இருக்கிறது...
இங்கு ஒரு ஓவியம் அல்லது நிழல் படம் கொடுக்கப்படும் ... அந்த ஓவியத்துக்கு உங்கள் கற்பனைகளில் தோன்ற கூடிய உங்களால்
உயிர் கொடுக்க கூடிய சிந்தனைகளை கவிதை கிறுக்கல்களாக பதிவு செய்யலாம் ....
**இங்கே நீங்கள் சுயேட்சையாக புதிய பதிவுகளை மேற்கொள்ள முடியாது.இப்பகுதியில் கவிதை பதிவதற்கு முன்பதிவு செய்வது கூடாது. ( உங்கள் பதிவுகள் அழகுற அமைவதற்காக )..
***தயவு செய்து இங்கே பதியப்படும் பதிவுகளுக்கு யாரும் கமெண்ட்ஸ் போட வேண்டம்... அந்த நபருக்கு நீங்கள் பிரத்தியேகமாக pvt தகவலாக உங்கள் வாழ்த்து , தகவல்களை தெரிவித்து கொள்ளலாம் .
**முதலில் சொந்தமாக பதியப்படும் 8 கவிதைகள் மட்டுமே பிரதி சனிக்கிழமை அன்று நண்பர்கள் இணையதள வானொலியில் கவிதை நிகழ்ச்சியாக தொகுத்து வழங்கப்படும்.
.
நிழல் படம் எண் : 165
இந்த களத்தின்இந்த நிழல் படம் Ftc Team சார்பாக வழங்கப்பட்டுள்ளது ... ..... இந்த படத்திற்கு உங்கள் கவிதைகளால் உயிர் கொடுங்கள்...
.
உங்கள் கவிதைகளை எதிர்வரும் புதன்கிழமை GMT நேரம் 5:00 PM இக்கு முன்னதாக பதிவு செய்யவும்
(http://friendstamilchat.org/newfiles/OVIYAM UYIRAAGIRATHU/165.jpg)
அண்ணன் இல்லையென ஏங்கிய
தங்கைகளில் ஒருவள் நான்
என் அன்பு தங்கை அவள்
இப்புவிக்கு வரும் வரை..
அன்பு தங்கையாய் வந்து
என் செல்ல குழந்தையாய் மாறி
தாயென்னும் ஸ்தானத்தை
கேட்காமலே எனக்கு தந்தவள் நீ ..
அன்பாய் அரவணைக்கையில்
இன்னொரு தாய் நீ ..
வீண் சண்டைகள் போடுகையில்
என் மாமியாரும் நீ ..
குறும்புகள் செய்கையில்
என் கூட்டு களவாணி நீ ..
கிசு கிசுக்கள் பேசுகையில்
என் உற்றத் தோழியும் நீ..
என் சிறு சிறு அசைவுகளை
கொண்டே என்னை படித்திடுவாய் ..
அழத் தோள் கொடுத்து
என் சுமைகளை தீர்த்திடுவாய் ..
ரகசியம் ஏதேனும் உண்டெனில்
சாதுரியமாக கறந்திடுவாய் ..
அதே ரகசியம் தனை காக்க
கல் நெஞ்சாய் மாறிடுவாய் ..
உன்னோடு இல்லாத ஒவ்வொரு கணமும்
நகந்திடாது மணித்துளிகள் ..
நீ உடன் இருந்தால் தனை
மறந்து உறைந்து போகும் நொடிகள் ..
இனி மறுஜென்மம் உண்டெனில்
நீயே மீண்டும் தங்கையாகவும்
உன்னை போல் ஒரு மகளும்
பிறந்திட வேண்டுமெனக்கு ..
I LOVE YOU VAALU :D
~ தமிழ் பிரியை மைனா ~