தேங்காய்ப் பால் பட்டர் பீன்ஸ்
தேவையானவை
பட்டர் பீன்ஸ் - ¼ கிலோ
சின்ன வெங்காயம் - 7-8
உருளைக் கிழங்கு சிறியது - 1
பச்சை மிளகாய் - 2
பூண்டு - 4 பல்லு ( நசுக்கியது)
கடுகு - ¼ ரீ ஸ்பூன்
மஞ்சள் தூள் - சிறிதளவு
பெருஞ் சீரகத் தூள் - ¼ ரீ ஸ்பூன்
தேங்காய்ப் பால் -1 டேபிள் ஸ்பூன்
தண்ணீர் - வேகவைக்க.
ஓயில் - 1 டேபிள் ஸ்பூன்
கறிவேற்பிலை - சிறிதளவு
உப்பு - தேவையான அளவு
தேசிப்புளி - ½ ரீ ஸ்பூன்
பீன்சை நார் நீக்கி 2-3 அங்குல நீள் துண்டுகளாக வெட்டுங்கள்.
உருளைக் கிழங்கை சிறயதாக வெட்டுங்கள்.
சின்ன வெங்காயம் பச்சை மிளகாய் விருப்பம்போல வெட்டிக் கொள்ளுங்கள்.
ஓயிலில் கடுகு, பூண்டு வதக்கி சின்ன வெங்காயம் பச்சை மிளகாய் வதக்குங்கள்.
நன்கு வதங்கிய பின் கிழங்கைக் கொட்டிக் கிளறி சற்று உப்பு தூவி விடுங்கள்.
ஒரு பிரட்டு பிரட்டிய பின் பீன்சைக் கொட்டிக் கிளறுங்கள்.
ஒரு தட்டால் மூடி சிம்மில் இரண்டு நிமிடம் விடுங்கள்.
திறந்து தண்ணீர் ஊற்றி மஞ்சள் உப்பு போட்டு அவிய விடுங்கள்.
அவிந்த பின் பெருஞ் சீரகத் தூள் சேர்த்துப் பிரட்டுங்கள்.அடுப்பை நிறுத்திய பின் தேங்காய்ப் பால் ஊற்றி கறிவேற்பிலை சேர்த்து இறக்குங்கள்.
தேசிப் புளிவிட்டுக் கலந்து எடுத்து வையுங்கள். தேங்காய்ப் பால் கமகமக்க
பீன்ஸ் சாப்பிடத் தயாராகிவிட்டது.
