9
« Last post by Kavii on July 26, 2024, 08:25:14 PM »
நண்பர்கள் அரட்டை அரங்கம் !
இது தமிழர்களின் அன்பின் திண்ணை!
மனதில் நிறைந்த மகிழ்ச்சியுடன் பதிமூன்றாம் ஆண்டில் வெற்றிகரமாக அடியெடுத்து வைக்கிறாய்! உமக்கு எனது சிரம் தாழ்ந்த வணக்கங்கள்!
உலகின் எல்லா எல்லையிலிருந்தும் தமிழர்கள் உன்னிடத்தில் கூடுகின்றனர்!
அன்பும் அழகும் கலந்த நண்பர்கள் அனைவரும் ஓருயிராய் உன் அரங்கத்தில் நின்று அன்பை பரிமாறிக் கொள்கின்றனர்!
தனிமையின் கொடுமையைக் கொல்லும் உன்னத நண்பன் நீ!
சிரிப்பை மறந்தவர்களைக் கூட சிரிக்கை வைக்கும் அற்புத அழகன் நீ!
முகம் தெரிந்தவர் கூட பேசத் தயங்கும் காலத்தில் முகமறியா நண்பர்களை ஒன்றிணைத்து ஓரு பூந்தோட்டத்தை உருவாக்கிய உத்தமன் நீ!
இணையம் என்ற சொல்லின் பயத்தைப் போக்கி நண்பர்களின் இதயங்;கள் இணையும் பூங்காவனம் ஆக்கினாய் நீ!
இங்கு நண்பர்கள் யாராவது சாப்பிட்டாயா. நலமா என்று கேட்டாலெ ஏதோ கடவுளே நெரெ வந்து கேட்டது போல் மனம் குளிர்ந்து குதூகலிக்கும் தனிமையில் வாடும் நண்பர்களை உறவுகளைப் போல் உணர வைத்தவன் நீ!
பேருந்து பயணத்திலும். ரயில் பயணத்திலும் உன்னுடனே பயணம் செய்து அந்த பயணத்தை தினம் தினம் உல்லாச பயணம் ஆக்குபவன் நீ!
உறவுகளைத் தொலைத்தவர்களும். உறவுகளை விட்டு தொலைதூரத்தில் இருப்பவர்களும். அந்த உறவுகளை இங்கே காண்கின்றனர் சகோதரனாய், சகோதரியாய், நண்பனாய்,. நண்பியாய், சமயத்தில் அன்பை வெளிப்படுத்தும்போது அன்னையாய், தந்தையாய் கூட!
நலனில் அக்கறைக் கோண்டு சேல்லமாய் கண்டிக்கும் நண்பர்கள், சகோதரர்கள், சகோதரிகள் என அத்தனை உறவுகளையும் காணலாம் உன்னிடத்தில்!
இத்தனை பெருமைகளைக் கொண்ட கோச்சடையான் நீ!
வெறும் பேச்சோடு மட்டுமல்லாமல். நண்பர்களின் அற்புதமான ஆற்றல்களை வெளிக்கொணர்ந்து அவர்களின் திறமைகளை அவர்களையும் நண்பர்களையும் உணரச்செய்து மகிழ்விக்கும் அற்புத படைப்பாளன் நீ!
உன் இசைத்தென்றல் நிகழ்ச்சி இசைவிருந்து கொடுத்து இன்பம் தந்திடும்!
ஓவியம் உயிராகிறது நிகழ்ச்சி கவிதைப் பிரியர்களின் மனதைக் கொள்ளையடித்துச் செல்லும் அதன் வர்ணணையாளரின் குரல் வெளிப்பாட்டில்!
நேயர்களின் விருப்பப் பாடல்களும், வானொலிப் பாடல்களும் எந்நேரமும் மகிழ்ச்சியைக் கொடுக்கும்!
வர்ணணையாளர்களின் வார்த்தை குரல்களும். பேச்சு நடையும். வாசிக்கும் அழகும் படைப்பாளர்களின் படைப்புகளுக்கு மேலும் மெருகூட்டும் !
உனது அரங்கத்தின் பொது மன்றம் (Forum) பக்கம் ஒன்று போதும் உனது பெருமையப் போற்ற!
இத்தனை பெருமைகளுக்குச் சொந்தக்காரனனான நண்பர்கள் அரட்டை அரங்கம் என்னும் நண்பனே! என் நெஞ்சில் நீங்கா இடம் பிடித்த தோழனே!
பதிமூன்றாம் ஆண்டில் அடியெடுத்து வைக்கும் இம்மகிழ்ச்சியான தருணத்தில் நான் உன்னுடன் இருக்கிறேன் என்பதில் பெருமை கொள்கிறேன்!
நீ மென்மேலும் வளர்ந்து எண்ணற்ற நண்பர்களை ஒன்றிணைத்து அவர்களின் உள்ளங்கவர் கள்வனாய்! என்றும் மார்க்கண்டேயனாய்! இதே உற்சாகத்தினோடும். அன்போடும். கலைஞர்களின் வர்ணஜாலங்களின் ஜொலிப்போடும். ஒற்றுமையோடும் பயணம் செய்ய எனது சிரம் தாழ்த்தி வாழ்த்துகிறேன்!!
வாழ்க பல்லாண்டு!! வளர்க நின்புகழ் மென்மேலும்!!