ஓவியம் உயிராகிறது ( படம் பார்த்து கவிதை கிறுக்கு ..)
நண்பர்கள் கவனத்திற்கு ....
சொந்த ஆக்கமும் ஊக்கமும் கொண்ட உங்களுக்காக உங்கள் சிந்தனை திறனை வளர்ப்பதற்கும் உங்கள் கற்பனைகளை மெருகூட்டுவதர்க்கும் ஏதுவாக உங்களுக்காக இந்த களம் அமைக்கப்பட்டு இருக்கிறது...
இங்கு ஒரு ஓவியம் அல்லது நிழல் படம் கொடுக்கப்படும் ... அந்த ஓவியத்துக்கு உங்கள் கற்பனைகளில் தோன்ற கூடிய உங்களால்
உயிர் கொடுக்க கூடிய சிந்தனைகளை கவிதை கிறுக்கல்களாக பதிவு செய்யலாம் ....
**இங்கே நீங்கள் சுயேட்சையாக புதிய பதிவுகளை மேற்கொள்ள முடியாது.இப்பகுதியில் கவிதை பதிவதற்கு முன்பதிவு செய்வது கூடாது. ( உங்கள் பதிவுகள் அழகுற அமைவதற்காக )..
***தயவு செய்து இங்கே பதியப்படும் பதிவுகளுக்கு யாரும் கமெண்ட்ஸ் போட வேண்டம்... அந்த நபருக்கு நீங்கள் பிரத்தியேகமாக pvt தகவலாக உங்கள் வாழ்த்து , தகவல்களை தெரிவித்து கொள்ளலாம் .
**முதலில் சொந்தமாக பதியப்படும் 8 கவிதைகள் மட்டுமே பிரதி சனிக்கிழமை அன்று நண்பர்கள் இணையதள வானொலியில் கவிதை நிகழ்ச்சியாக தொகுத்து வழங்கப்படும்.
.
நிழல் படம் எண் : 138
இந்த களத்தின்இந்த நிழல் படம் FTC Team சார்பாக வழங்கப்பட்டுள்ளது ... ..... இந்த படத்திற்கு உங்கள் கவிதைகளால் உயிர் கொடுங்கள்...
.
உங்கள் கவிதைகளை எதிர்வரும் புதன்கிழமை GMT நேரம் 5:00 PM இக்கு முன்னதாக பதிவு செய்யவும்
(http://friendstamilchat.org/newfiles/OVIYAM%20UYIRAAGIRATHU/138a.jpg)
ஓவியத்தினுள் ஓர் இதயம்
நெருங்கவும் முடியாமல்
விட்டு விலகவும் முடியாமல்
தள்ளாடி கொண்டிருக்கின்றது ..
அன்று அன்பால் அரவணைக்க
ஆசையாய் கட்டப்பட்ட பாச கயிறோ
இன்று கழுத்துக்கு ஆபத்தாய்
தூக்கு கயிறாய் மாறுகின்றது..
அன்று காதலிக்கையில் பேசிய
ஆயிரம் ஆசை வார்த்தைகளோ
இன்று மௌன விரதத்தில்
தடம் அறியாது மறைந்து மடிகின்றது..
அன்று ஊண் உறக்கம் இன்றி
ஒன்றாய் செலவழித்த மணி துளிகள்
இன்று தனிமையில் துணையின்றி
கண்ணீராய் வழிந்து கரைகின்றது..
பெண் தாய் எனும் கடமையினாலும்
ஆண் தந்தை எனும் பொறுப்பினாலும்
அன்று இணைந்து கட்டிய காதல் கோட்டையை
இன்று பராமரிக்க தவறி விடுகின்றனர் ..
அன்று இருந்த புரிதல் இன்று இல்லை
அன்று இருந்த பொறுமை இன்று இல்லை
அன்று இருந்த காதலும் இன்று இல்லை
மாறாக நீதிமன்றம் இருக்கின்றது..
ஆயிரக் கணக்கிலான விவாகரத்து வழக்குகளோடு ..
சற்றே சிந்தியுங்கள் ..
இருபதிலும் காதல் காதலே
அறுபதிலும் காதல் காதலே
காதலை காதலாய் காதலித்தால் !! :)
~ மைனா தமிழ் பிரியை ~