காதல்
வார்த்தையின்றி பலவிதங்களில்
வெளிப்படுத்தப்படும் ஒரு உணர்வு
கண்கள் காதல் கதை சொல்லும்
கால்கள் காதலை கதகளி ஆடிக் காட்டும்
கன்னங்களில் நாணம்
காதல் கோலங்கள் வரையும்
உதடுகள் காதலால்
ஒட்டி ஒட்டி பிரியும்
காதலை வெளிப்படுத்த
வார்த்தைகள் தேவையில்லை
அதை உன்னிடம் இருந்தே அறிந்து கொண்டேன்
நான் காதலை உன்னிடம்
எப்படி சொல்வதென்று
வார்த்தைக்கு தடுமாறும் போது
உன் கைவிரல்கள் உன்
காதலை வார்த்தைகள் இன்றி
மௌனமாக எனக்கு புரியவைத்தது
என்னை கண்டதும்
வார்த்தைகள் வராமல்
இல்லாத விரல்நகங்களை கடித்தாயே
நான் உன்முன் வரும் போதெல்லாம்
நாணத்தால் உன் விரல்கள்
அபிநயம் பிடித்தனவே
கலையாத கூந்தலை
அடிக்கடி சரிசெய்யும் உன் விரல்கள்
புடவையின் தலைப்பை
அடிக்கடி கிள்ளிவிடும் உன் விரல்கள்
இவையனைத்தும் உன் காதலை
சொல்லும் சமிக்கைகள் தானே
